कैलासबावु श्रेष्ठ
असार २२ गते । पुराना वामपन्थी नेता श्रीनाथ अधिकारीको मृत्यु भएको छ । नेपाल क्यान्सर हस्पिटल हरिसिद्धि ललितपुरमा आईसीयूमा राखेर उपचार भई रहेको अधिकारीको आईतबार साँझ ८ बजेर २ मिनेटमा देहबासन भएको हो ।
पोखरा हुदै भरतपुर क्यान्सर अस्पताल चितवनमा उपचार गर्दा गर्दै अधिकारीलाई २०७६ वैशाखमा संघिय राजधानी काठमाडौं थप उपचारका लागि लगिएको थियो । देब्रे फोक्सोमा क्यान्सर देखीएको अधिकारीको केही दिन अगाडी देखी शरिरको सबै ठाउँमा क्यान्सर फैलिइसकेको अस्पताल प्रशासनले जानकारी दिएको थियो । अस्पताल श्रोतका अनुसार अधिकारीलाई बचाउने हर संभव प्रयास असफल भएको बताए ।
अधिकारीका छोरा नारायण अधिकारीले पनि बुवाको मृत्यु भएको पुष्टी गरेका छन । उनले आफ्नो फेसबुक स्टाटसमा बुवाको देहवासन भएको जानकारी सर्व साधारणलाई गराएका थिए । सनिबार मात्रै अधिकारीको अवस्था निकै नाजुक भएको भन्दै डाक्टरहरुको एक टोलीले ४८ घण्टाको समय दिएको थियो । ०७६ बैशाख देखी नेपाल क्यान्सर हस्पिटल हरिसिद्धि ललितपुरमा उपचार गरी रहेका अधिकारीको मृत्युले गोरखा जिल्लाको बामपन्थी आन्दोलमा केही धक्का भने अवश्यक लाग्ने छ ।
नेकपा (क्रान्तिकारी माओवादी) वैद्य समूहको पोलिटब्युरो सदस्य समेत रहनु भएका अधिकारीलाई सनिबार बैद्यले अस्पतालमा गएर भेटेका थिए ।