गोरखा समाचारदाता

बन संरक्षणका लागि मिडिया परिचालन सम्बन्धी तालिम सम्पन्न भएको छ । नेपाल पत्रकार महासंघ गोरखाको आयोजना तथा डिभिजन बन कार्यालय गोरखाको सहकार्यमा सदरमुकाममा जिल्लाका संचारकर्मीलाई बन तथा बावावरण संरक्षण सम्बन्धी तालिम दिइएको हो ।

महासंघका जिल्ला अध्यक्ष किशोरजंग थापाको अध्यक्षतामा भएको कार्यक्रममा नेपाल वातावरण पत्रकार समुहका महासचिव निमेष रेग्मी, डिभिजन बन कार्यालयका प्रमुख तोयानाथ पौडेल, महेश पौडेल, गोरखा नगरपालिकाका वातावरण विज्ञ ध्रुव प्रसाद घिमिरेले सहजिकरण गरेका थिए ।

तालिममा बन तथा बातावरण संरक्षणमा सञ्चार माध्यमको भुमिका, समाचारका सम्भावित विषयबस्तु, रिर्पोटिङका प्रकृया, सम्भावित जोखिमका बारेमा जानकारी गराइएको थियो । त्यस्तै बन तथा बातावरण सम्बन्धी नीति नियम, वर्तमान अवस्थामा जलबायु परिवर्तनका असर तथा न्यूनिकरणका उपाय लगायतका बिषयमा सहजीकरण गरिएको महासंघका जिल्ला सचिव नरहरी सापकोटाले जानकारी दिए ।

कार्यक्रममा जिल्लामा कृयाशिल बिभिन्न सञ्चार माध्यममा आवद्ध संचारकर्मीको सहभागिता रहेको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए