गोरखा समाचारदाता
गण्डकी गाउँपालिका–३ फुजेल याङ्दीको एक भुजेल परिवारका लागि घर निर्माण भएको छ ।
जन्मै देखि अपाङ्गता रहेका दलबहादुर भुजेलको परिवारलाई सुरक्षित घरमा राख्ने उदेश्यका साथ अभियान्ता रेखा तमाङ्गले सामाजिक अभियान सञ्चालन गरी घर निर्माण गरिदिएकी हुन । ‘जब मैले उहाँको अबस्था दयनिय रहेको थाहा पाएँ, सबैलाई सहयोगका लागि आग्रह गरेँ’ उनले भनिन ‘आज उक्त सपना पुरा भएको छ, उहाँहरुले सुरक्षित घर पाउनुभएको छ ।’ घर निर्माणका लागि चलाइएको अभियान मार्फत १२ लाख २७ हजार ४९१ रुपैयाँ संकलन भएको थियो ।
उक्त रकम मध्ये १० लाख ८५ हजार ४९४ रुपैयाँ घर निर्माण सम्पन्न भएको हो । बाँकी रहेको १ लाख ४१ हजार ९९७ रुपैयाँमा ५० हजार गाउँपालिकाले थप गरी कुल १ लाख ९१ हजार ९९७ रुपैयाँ स्थानीय सहकारीमा जम्मा गरिएको छ । यो विचमा बुबा दलबहादुर र छोरी देवीमायाँ भुजेलको मृत्यु भईसकेको छ । रामबहादुर भुजेल र टंक भुजेल दाजु भाई अहिले उक्त घरमा बस्दै आइरहेका छन् ।
देश विदेशबाट संकलन भएको रकम निर्माण गरिएको अपाङ्गतमैत्री घर एक कार्यक्रमका विच परिवारलाई हस्तान्तरण गरिएको छ । गण्डकी गाउँपालिका अध्यक्ष होमबहादुर रानाको अध्यक्षता तथा प्रतिनिधि सभा सदस्य चुणामणी खड्काका प्रमुख आतिथ्यता भएको कार्यक्रममा भुजेल सेवा समाजका केन्द्रिय अध्यक्ष लोक भुजेल, नेपाल आदिबासी जनजाती महासंघ तनहुँकी अध्यक्ष बसुन्धरा घर्ती, अमियान्ता तमाङ लगायत मन्तव्य राखेका थिए । सोही अबसरमा नेपाल भुजेल सेवा समितिका पूर्व अध्यक्ष बसन्त भुजेलले उक्त परिवारमा सहयोगीको रुप एक जना व्यक्ति राख्नको लागि एक वर्षको लागि मासिक ५ हजार उपलब्ध गराउने घोषणा गरेका छन् ।
