गोरखा समाचारदाता
असार २१ गते । नेपालका लागि भारतबाट आयात हुने तरकारी तथा फलफूलको विषादी परीक्षण भारतीय दबावका कारण स्थगित गरिएको छ ।
भारतीय दूतावासले लिखित पत्र नै पठाएर दबाव दिएपछि बिहीबार बसेको मन्त्रिपरिषद् बैठकले ६ महिनाका लागि यो नीति स्थगित गरेको हो। तर सरकारले विषादी परीक्षणका लागि आवश्यक तयारी नभएकाले स्थगितको निर्णय गरिएको बताएको छ ।
सीमा नाकामा विषादी परीक्षण र क्वारेन्टाईन लागि आवश्यक पूर्वाधार निमार्णपछि मात्रै निकासी पैठारी नीतिको पूर्ण कार्यन्वयनमा जाने आपूर्ति मन्त्रालयले जनाएको छ ।
