गोरखा समाचारदाता
असार २१ गते । मुलुकमा भएको दश वर्षे सशस्त्र द्वन्द्वका पीडित पक्षको दुःख र वेदनासहितको फोटो प्रदर्शनि शुरु भएको छ । बबरमहलको आर्ट काउन्सिलमा भएको फोटो प्रर्दशनिको एक कार्यक्रम बिच राष्ट्रिय मानव अधिकार आयोगका अध्यक्ष अनुपराज शर्माले गरेका थिए ।
प्रदर्शनिको उदघाटन संगै सशस्त्र द्धन्द्धमा आफन्त तथा परिवार गुमाएका व्यक्तिहरुको अवस्थालाई लिएर तयार पारीएको वृत्तचित्र समेत प्रदर्शन गरिएको छ। करीब १५ मिनेट समयअवधिको वृत्तचित्रमा विभिन्न जिल्लाका पीडितले वर्षौदेखि भोगेका दुःख तथा न्याय प्राप्तिका लागि गरेका अपेक्षालाई प्रस्तुत गरिएको थियो ।
बबहरमहलस्थित नेपाल कला परिषद्मा प्रस्तुत गरिएको उक्त वृत्तचित्रको शुभारम्भ गर्दै राष्ट्रिय मानव अधिकार आयोगका अध्यक्ष अनुपराज शर्माले न्याय सम्पादन गर्ने स्थानमा राजनीतिक भागबण्डा गर्न नहुने बताए। शर्माले सत्य निरुपण तथा मेल मिलाप आयोग र वेपत्ता पारिएका व्यक्तिको छानविन आयोगको नेतृत्व र पदाधिकारीमा सक्षम र योग्य मानिसको छनौट गर्नुपर्नेमा जोड दिए ।
मञ्चका अध्यक्ष वरिष्ठ अधिवक्ता मिरा ढुङ्गानाले विस्तृत शान्ति सम्झौता भएको १२ वर्ष भई सक्दा पनि पीडतले अझै न्यायको अनुभूति गर्न नसकेकामा चिन्ता व्यक्त गरे ।
मञ्चका कार्यकारी निर्देशक सवीन श्रेष्ठले समयमा न्याय नपाउनु पनि अन्याय नै भएको बताउँदै ठूला दलले जनताका लागि राजनीतिक व्यवस्था परिवर्तन गरेका कारण उनीहरुले पीडित जनताको भावनालाई सम्बोधन गरी न्यायको अनुभूति दिलाउनुपर्ने बताए । तत्कालीन राज्य तथा द्वन्द्वरत दुबै पक्षबाट पीडा भोगका नागरिकको न्यायको माग गर्दै ‘न्यायको प्रतिक्षा’ को विषयमा शैली थिएटरका कलाकारले नाटक मञ्चन गर्नुभएको थिए ।
द्वन्द्व पीडितको अवस्थालाई तस्वीरमार्फत प्रस्तुत गर्ने उद्देश्यले फोटो प्रदर्शनी पनि गरिएको छ । द्वन्द्वका क्रममा पीडित बनेका नागरिकले पाएका दुःखलाई प्रदर्शनीमा देखाइएको छ । उक्त प्रदर्शनी असार २५ गते सम्म सञ्चालनमा आउने छ । प्रदर्शनी हेर्नका लागि पीडितका आफन्त, सर्वसाधारण मानिस, विभिन्न मुलुकका कुटनीतिक नियोगका पदाधिकारीलगायतको सहभागिता छ ।