गोरखा समाचारदाता

६२ औं राष्ट्रिय सहकारी दिवस गोरखामा पनी बिभिन्न कार्यक्रम गरी मनाइएको छ । दिवसको अबसरमा गोरखाको भिमसेन थापा गाँउपालिका–८ मा अन्तरक्रिया सहितको कार्यक्रम सम्पन्न भएको छ ।

उद्यमशिल साना किसान कृषि सहकारी संस्था र सृजनशिल बचत तथा ऋण सहकारी संस्थाको आयोजनामा महादेवटारमा ‘सम्बृद्ध भिमसेन थापा गाउँपालिका निर्माणका लागि सहकारीको भूमिका’ बिषयक अन्तरक्रिया कार्यक्रम गरिएको थियो । कार्यक्रममा जिल्ला कृषि सहकारी संघ गोरखाका अध्यक्ष भरत ढकाल र जिल्ला सहकारी संघ गोरखाका लेखा समिति सदस्य परशुराम श्रेष्ठले कार्यपत्र पेश गरेका थिए । कार्यपत्र माथी सहभागीहरुले आ–आफ्नो धारणा व्यक्त गरेका थिए ।

कार्यपत्र माथी वडा नम्बर–८ का वडाध्यक्ष बासुथापा, वडानम्बर–२ का वडाध्यक्ष नारायण भट्टराई, गाउँ कार्यपालिका सदस्य सरिता भट्ट, मनासलु बचत तथा ऋण सहकारी संस्था अश्राङका बलराम वाग्ले, पाटनदेवी माबिका प्रधानध्यापक भरत श्रेष्ठ, जागेश्वर माबिका प्रधानाध्यापक यदुनाथ सापकोटा लगायतले टिप्पणी गर्नु भएको थियो । कार्यक्रम सृजनशिल बचत तथा ऋण सहकारी संस्थाका अध्यक्ष बिश्वजंग थापाको अध्यक्षतामा सम्पन्न भएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए