- १५ औं योजनाको आधार पत्रको मस्यौदालाई अन्तिम रुप दिइने
गोरखा समाचारदाता
चैत्र २० गते । राष्ट्रिय विकास परिषद्को बैठक आज (बुधबार) बाट सुरु भएको छ । राष्ट्रिय योजना आयोगले तयार पारेको २५ वर्षे दीर्घकालिन सोचसहितको १५ औं योजनाको आधार पत्रको मस्यौदालाई अन्तिम रुप दिन राष्ट्रिय विकास परिषदको बैठक बोलाइएको हो ।
१५ औं योजनाको आधार पत्रको मस्यौदालाई अन्तिम रुप दिने गरी छलफल गर्न राष्ट्रिय परिषद बैठक बोलाइएको राष्ट्रिय योजना आयोगका प्रवक्ता डा.किरण रुपाखेतीले जानकारी दिनुभयो ।
प्रधानमन्त्री ओलीको अध्यक्षतामा बस्ने परिषद बैठकमा उपप्रधानमन्त्री, मन्त्रीहरु, प्रमुख प्रतिपक्ष दलका नेता, प्रदेश सरकारका मुख्य मन्त्रीहरु, संघीय संसदका विषयगत समितिका सभापतिहरु, निजी क्षेत्र, विज्ञहरुसहित करिव ३ सय ५० जनाको सहभागिता रहने छ ।
आयोगले तयार पारेको १५ औं योजनाको आधार पत्रको मस्यौंदामा कृषि, उर्जा, खनिज र पर्यटन क्षेत्रको विकास गरेर मुलुकलाई समृद्ध बनाउने उल्लेख गरिएको छ ।