गोरखा समाचारदाता
विद्यालय शिक्षाको राष्ट्रिय परीक्षा एइई सकिएको छ । जिल्लाका कुल ४ हजार ४०३ जना विद्यार्थी सहभागी परीक्षा सोमबार सकिएको हो । ‘निकै सौहार्दपूर्ण र व्यवस्थित ढङ्गले यस वर्षको एसइई सकियो’ जिल्ला शिक्षा बिकास तथा समन्वय इकाईका प्रमुख खेमराज पौडलले भने ‘सबैको सहयोगले सोचेको भन्दा राम्रो किसिमले परीक्षा सम्पन्न भएको छ ।’
परीक्षाको लागि २५ वटा केन्द्र निर्धारण भएका थिए । यसवर्षबाट धार्चे गाउँपालिकाको केन्द्र माछाखोला पहिलो पटक एसइईको केन्द्र निर्धारण गरिएको थियो । धार्चे र चुमनुब्रीका विद्यार्थीहरुका लागि लक्षित गरी जनजागृती आधारभूत विद्यालयमा भएको परीक्षा पूर्ण रुपले सफल भएको धार्चे गाउँपालिकाका अध्यक्ष सन्तबहादुर गुरुङले जानकारी दिए । यसवर्ष २५ जना विद्यार्थीहरुले भने जिपिए सुधार (ग्रेट वृद्धि)ं परीक्षा दिएका छन् ।
यसैगरी प्राविधिक विषयमा ११३ र अपाङ्गता भएका २४ जना विद्यार्थीहरुले पनि परीक्षा दिएका छन् । प्राविधिक विषयको भने प्रयोगात्मक परीक्षा बाँकी छ । सोमबार परीक्षा सकिएपनि उत्तरपुस्तिका आउन भने एक साता सम्म लाग्ने भएको छ । ‘४ वटा केन्द्रको आइसकेको छ । ८ वटा केन्द्र सदरमुकाममै छन्’ उनले भने ‘बाँकी स्थानको यो हप्ता भित्र आइसक्ला ।’ संकलन भएको उत्तरपुस्तिका जिल्ला प्रहरी कार्यालयमा राखिएको छ ।