गोरखा समाचारदाता
आरुघाट क्षेत्रका बुढीगण्डकी प्रभावित सघर्षमा उत्रिएका छन् । मुआब्जा निर्धारणमा ढिलाई गरिएको भन्दै आरुघाट र सो क्षेत्रका स्थानीयहरुले काठमाण्डौको माइतीघर मण्डलामा प्रर्दशन गरेका छन् । ‘सरकारले हामीलाई चरम वेवास्था गरयो । अब चुप लागेर बस्ने अबस्था छैन’ बुढीगण्डकी आयोजना सरोकार समिति आरुघाटका सचिव अब्बदुल मियाँले भने ‘अब हामी सर्षघ नै सुरु भइसकेको छ ।’
केही दिन आरुघाट क्षेत्रको यातायात, शिक्षणसस्था, बजार सबै ठप्प पारेका स्थानीयहरु काठमाण्डौ पुगेर प्रर्दशनमा उत्रिएका हुन् । गोरखा र धादिङका प्रभाबित जनता आक्रोशित भएका हुन । अयन्त्रको मुआब्जा वितरण भइसक्दा अहिलेसम्म त्यहाँको घोषणा हुन नसकेका कारण जनतामा व्यापक असन्तुष्टि बढ्दै गएको हो । ‘हाम्रो जग्गाको हर्जना सहित राज्यले फिर्ता गर्नुपर्छ’ सरोकार समिति संयोजक दिनेश ढकालले भने ‘अहिलेसम्म हामी कुरेरै बस्यौ, अब सक्दैनौं ।’
पछिल्लो चरणमा घर गोठको साथै रुख वोटबिरुवाको लगत संकलनको विषयलाई लिएर प्रभावितहरु झनै रुष्ट भएका छन् । आधिकारिक रुपमा मुआब्जा घोषणा नगरिकन घर गोठ लगाएतका भौतिक संरचना नाप्न सुरु गरेर जनतालाई झुक्याउने खेल भएको उनको भनाई छ । बुढीगण्डकी आयोजनाको पुर्नवास तथा पुनस्थापना इकाईको कार्यालय सिउरेनीटारका प्रमुख कृष्णकार्कीले भने आरुघाट क्षेत्रको मुआब्जा निर्धारणको लागि सबै प्रक्रिया सकिएको दाबी गरेका छन् । केही दिन भित्र मुआब्जा रकम घोषणा गर्ने तयारी रहेको उनको भनाई छ ।
गोरखा र धादिङको सिमानामा पर्ने बुढीगण्डकी नदीमा बन्न लागेको राष्ट्रिय गौरवको उक्त आयोजनाका प्रभावितहरुको चलअचल सम्पत्तीको मूल्याङ्कन गरी राज्यले मुआब्जा दिइ रहेको छ । अयन्त्रको मुआब्जा वितरण अन्तिम चरणमा पुगिसक्दा समेत आरुघाट क्षेत्रमा निर्धारण समेत हुन सकेको छैन । जिल्लाको दोश्रो व्यापारिक क्षेत्रको रुपमा रहेको आरुघाट बजारको जग्गा लामो समय देखि रोक्का गरेर राखेको भएपनि मुआब्जा निर्धारण हुन नसक्दा स्थानीयको व्यापार व्यवसाय चौपट हुनका साथै प्रभावितहरु अन्यौलमा छन् ।
तस्बिर संगम श्रेष्ठ