गोरखा समाचारदाता

चैत्र १८ गते । प्रधानमन्त्री केपी शर्मा ओलीले आईतबार राती आएको विनाशकारी हावाहुरीले प्रभावित बाराको फेटा गाँउपालिकाको हवाई निरिक्षण गरेका छन् । नियमित कार्यक्रमहरु स्थगित गरेर बारा पुगेका प्रधानमन्त्री ओलीले नेपाली सेनाको हेलिकप्टरबाट हवाई निरिक्षण गरेर कलैया स्थित सेनाको क्याम्प पुगेका थिए।

क्याम्पमा प्रधानमन्त्रीलाई हावाहुरीबाट भएको क्षति, उद्धार तथा राहतमा भइरहेको प्रयासबारे प्रमुख जिल्ला अधिकारी राजेश पौडेलले जानकारी गराएका थिए । त्यसपछि प्रधानमन्त्री ओलीले कलैयास्थित अस्पतालमा पुगेर घाइतेहरुको अवस्थाबारे जानकारी लिएका थिए ।

हावाहुरीले कलैया उपमहानगरपालिकासहित महागढीमाई नगरपालिका, पचरौता नगरपालिका, प्रसौनी गाउँपालिका, फेटा गाउँपालिका, सुवर्ण गाउँपालिका, परवानीपुर गाउँपालिकामा धनजनको क्षति भएको स्थानीय प्रशासनले जनाएको छ । प्रधानमन्त्रीसँगै घटनास्थलमा उपप्रधान तथा स्वास्थ्यमन्त्री उपेन्द्र यादव र गृहमन्त्री रामबहादुर थापा पनि सहभागि थिए ।

केही थप तस्बिरहरु