गोरखा समाचारदाता

चैत्र १८ गते । बारा र पर्सामा हावाहुरीका कारण भएको विनाशकारी क्षतिप्रति प्रमुख प्रतिपक्षी दल नेपाली कांग्रेसले दुःख व्यक्त गर्दै राहतको लागी नेपाल सरकारसँग माग गरेको छ । कांग्रेस सभापति शेरबहादुर देउवा, बरिष्ठ नेता रामचन्द्र पौडेल, महामन्त्री डा शशांक कोइराला लगायतका नेताहरु तत्काल उद्धारमा लाग्न पार्टीका नेता कार्यकर्तालाई निर्देशन पनि दिएका छन् ।

पूर्वप्रधानमन्त्री डा। बाबुराम भट्टराईले हावाहुरीका कारण भएको क्षतिले आफूलाई स्तब्ध बनाएको जनाएका छन् । उनले सामाजिक सञ्जाल ट्विटरमार्फत तत्काल उद्धार र राहत कार्यमा कुनै कमी नहोस् भनी दीर्घकालमा यस्ता प्राकृतिक प्रकोप प्रतिरोधी संरचना निर्माण गर्न राज्य र सबैको विशेष ध्यान पुगोस् । मृतकप्रति श्रद्धाञ्जली र घाइतेहरूको शीघ्र स्वास्थ्यलाभको कामना भन्दै ट्वीट गरेका छन् ।

त्यस्तै राप्रपाका अध्यक्ष कमल थापाले वारा र पर्सा लगायत तराईको जिल्लाहरुमा जनधनको ठूलो क्षति भएकोमा दुःख व्यक्त गरेका छन् । उनले ट्विटरमार्फत पीडित परिवारलाई सहयोग र घाईतेहरूको उपचारका निम्ति सरकारलाई अनुरोध गरेका छन् । उनले ट्वीट गर्दै भएका छन् ‘राहतकार्यमा जुट्न राप्रपाका साथीहरूलाई आह्वान गर्दछु। पिडित परिवारमा समवेदना र घाईतेहरूको शिघ्र स्वास्थलाभको कामना गर्दछु ।’

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए