गोरखा समाचारदाता
चैत्र १६ गते । कानुन व्यवसायीको छाता सङ्गठन नेपाल बार एसोसिएसनमा नयाँ नेतृत्वको लागि आज (सनिबार) मतदान हुँदै छ । बारले मतदान बाट आफ्नो ३ वर्षे कार्यकालको लागि नयाँ नेतृत्व चयन गर्ने छ ।
काठमाडौँ उपत्यका भित्र ६ हजार ५ सय र बाहिर ३ हजार ८ सय १३ जना सदस्यहरु रहेको बारले जानकारी दिएको छ । काठमाडौं उपत्यका भित्र सर्बोच्च अदालत, नेपाल बार एसोसिएसन, उच्च अदालत पाटन र काठमाडौँ जिल्ला अदालतमा मतदान केन्द्र ब्यवस्था गरिएको छ । काठमाडौं बाहिर भने ३४ ठाँउमा मतदान केन्द्र राखिएका छन । २५ सदस्यीय कार्यसमितिको लागि ६३ जनाले उम्मेदवारी दर्ता गराएका छन् ।
बारले दिएको जानकारी अनुसार अध्यक्षमा ८ जना, महिला उपाध्यक्ष, प्रदेश ३ को उपाध्यक्ष एवम् महासचिव पदमा ३÷३ जना र बाँकी ६ वटा प्रदेशको उपाध्यक्ष पदमा १४ जना र सदस्यमा ३२ जना उम्मेदवार परेको छ । निर्वाचनका लागि कुल १० हजार ३ सय १३ मतदाता रहेको बार एसोसिएसनले जनाएको छ ।
