गोरखा समाचारदाता
चैत १६ गते । राष्ट्रिय ज्येष्ठ नागरिक कोषले नुवाकोटको ककनी गाउँपालिका वडा ८ मा रहेकी ११७ वर्षीयाँ बाटुली लामिछानेलाई विश्वकै ज्येष्ठ नागरिकरूपमा घोषणा गर्न सरकार संग माग गरेको छ । शुक्रवार पत्रकार सम्मेलन गरी लामिछाने विश्वकै ज्येष्ठ नागरिक भएको दाबी गर्दै उहाँलाई विश्वकै ज्येष्ठ नागरिकको रूपमा घोषणा गर्न सरकारलाई आग्रह गरीएको हो ।
सिन्धुपाल्चोकको मेलम्ची नगरपालिकास्थित गिरानचौरमा १९५९ साल चैत १० गते जन्मनु भएकी लामिछाने नुवाकोटस्थित ककनी गाउँपालिकाको थानसिंहमा नातिनीसँग बस्दै कोषका सभापति रामकृष्ण कर्माचार्यले जानकारी दिनुभयो ।
ज्येष्ठ नागरिक कोषले यसअघि पनि लामिछानेलाई विश्वकै ज्येष्ठ नागरिकका रूपमा घोषणा गर्न सरकारसँग माग गरेको थियो । लामिछानेले अब भने सरकारले उहाँलाई विश्वकै ज्येष्ठ नागरिकको रूपमा घोषणा गर्न ढिला गर्न नहुने बताउनु भयो ।
उहाँका १० जना छोराछोरीमध्ये कान्छो छोरा मात्र जीवित छ । लामिछानेलाई कोषले नुवाकोटमा पुगी ११७ औं जन्मोत्सवको अवसरमा २० हजार नगदसहित सम्मान गरेको थियो ।