गोरखा समाचारदाता

चैत्र १५ गते । संघ र प्रदेश सरकारले स्थानीय तहलाई कारिन्दा बनाएको गोरखा नगरपालिकाका प्रमुख राजनराज पन्तले बताएका छन् । आफुलाई महाराजाको शैलीमा प्रस्तुत गरेर संघ र प्रदेशले स्थानीय तहलाई कारिन्दा सोच्नु गलत रहेको उनको टिप्पणी छ । ‘संघले आफुलाई बढेमान सोच्छ, त्यो भन्दा तलको प्रदेशको पनि सोच उस्तै’ नगरप्रमुख पन्तले थपे ‘पछिल्लो समय स्थानीय तहलाई उसले काम लगाउने कारिन्दा सोचेर अघि बढेको छ, यो सरासर गलत हो ।’

सोच नेपाल र नागरिक साझा सवाल गोरखाको संयुक्त आयोजनामा सदरमुकाममा भएको स्थानीय तहको योजना तर्जुमा तथा छनौट प्रकृयाका बारे अभिमुखिकरण कार्यक्रममा बोल्दै उनले सबै तहले आ–आफ्नो स्थानबाट काम गर्नुपर्ने बताए । राजनितिक पुहँचका आधारमा संघ र प्रदेशले बजेट बाँडेको बताउदै पन्तले कार्यकर्ता केन्द्रित योजना वितरणको काम रोक्नुपर्ने बताए । ‘पछिल्लो समय स्थानीय तहसंग कुनै पनि कोडिनेशन नगरी प्रदेशले पहुँचवालालाई बजेट वितरण गरिरहेकोछ’ उनले थपे ‘हामी उनिहरुको कारिन्दा होइनौ, हाम्रो क्षेत्रभित्र कहाँ के आवस्यकता छ हामीलाई थाहा हुन्छ, हचुवाको भरमा कार्यकर्ता रिझाउने उदेश्यले बजेट बाड्न पाइदैन ।’

कार्यक्रमको उद्घाटन गर्दै नगरप्रमुख पन्तले आगामी दिनका आर्थिक संबृद्धि र सिप विकासलाई अघि बढाउनु पर्नेमा जोड दिएका छन् । विकासका काममा सबैको हातेमालो आवस्यक रहेको बताउदै उनले अबका दिनमा दिर्घकालिन विकासको योजना सहित लाग्नुको विकल्प नरहेको बताए । खानेपानी, सडक खन्दैमा विकास नहुने भन्दै नगरप्रमुख पन्तले नगरवासीलाई आत्मनिर्भर बनाउने लक्ष्य सहित नगरपालिका अघि बढेको बताएका छन् ।

नागरिक साझा सवालका संयोजक स्थानेश्वर दुवाडीको अध्यक्षतामा भएको कार्यक्रममा बोल्दै गोरखा नगरपालिका वडा नम्बर ८ का वडाध्यक्ष कृष्णबहादुर केसीले आफुहरु नागरिक समाजसंघको सहकार्यमा कार्यक्रम अघि बढाउन चाहेको बताएका छन् । त्यस्तै सोच नेपालका अध्यक्ष बालकृष्ण श्रेष्ठले सरकार, नागरिक समाज र संचार माध्यमको सहकार्य र समन्वयलाई अघि बढाउनुपर्नेमा जोड दिए । योजना निर्माण प्रकृयामा जनसहभागितालाई जोड दिनुपर्ने उनको तर्क छ ।

कार्यक्रममा गोरखा नगरपालिका वडा नम्बर ८ का टोलविकास संस्था, उपभोक्ता समितिका पदाधिकारी, स्थानीय सभा, रेडियो स्रोता समुह लगायतका गरी ४० जनाको सहभागिता रहेको थियो । कार्यक्रममा स्थानीय तहको योजना तर्जुमा प्रकृया, योजना प्राथमिकिरण र योजना कार्यान्वयनका बारे जानकारी गराइएको थियो । अभिमुखिकरण कार्यक्रममा सोच नेपालका सचिव अर्जुन परियार, कार्यकारी निर्देशक अप्सरा कार्की, जिल्ला प्रतिनिधी मोहसिन अलि मियाँले सहजिकरण थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए