कैलासबावु श्रेष्ठ/गोरखा
चैत्र १४ गते । गोरखा सदरमुकामको तिनधारे क्षेत्रमा सुविधा सम्पन्न पार्क निर्माण हुने भएको छ । पार्क निर्माणका लागि एक सामाजिक अभियान्ताले सामाजिक सञ्जालको सहयताबाट पार्क निर्माण गर्न लागेको हो ।
गोरखा नगरपालिका ६ को तिनधारे क्षेत्रमा रहेको सार्वजनिक स्थलमा सामाजिक अभियान्ता रञ्जित श्रेष्ठको पहलमा पार्क निर्माण कार्य भई रहेको छ । ‘सदरमुकाम भनेर मात्र नहुने रहेछ । आवश्यता अनुसारको पार्क निर्माणमा कोही कसैको ध्यान गएको छैन’ भन्दै श्रेष्ठले ‘सबैको ध्यान केन्द्रित गर्न सामाजिक सञ्जाल मार्फत अभियान चलाएको’ बताउनु भयो ।
पार्क निर्माणमा २० लाख भन्दा बढी खर्च हुने अनुमान गरीएको छ । अभियान अन्तरर्गत १० देखी १२ लाख सहयोग पाउने आश्वासन पाएको भएता पनि ४ लाख बरावर रकम संकलन भएको श्रेष्ठले बताउनु भयो । ‘काम गर्दै जाऊ कति खर्च हुन्छ ? सोही अनुसार अभियान सञ्चालन गरेर खर्च जुटाउने अभियानमा लाग्नु पर्ला’ भन्नुहुन्छ अभियान्ता श्रेष्ठ ।
श्रेष्ठका अनुसार गोरखा नगरपालिकाले २ लाख रुपैयाँ सहयोग गर्ने आवश्वास दिएको छ । त्यस्तै गरी स्वदेश तथा विदेशमा भएका आफन्त, साथीभाई र शुभ चिन्तकहरुले सहयोग दिने आवश्वासन दिनु भएको छ । केही साथीहरुले सिमेन्ट समेत दिएको जानकारी दिनु भयो ।
पार्क भित्र क्रियापुत्री घर, सुविधा सम्पन्न शौचालय बन्ने छ । पार्कको पुरै क्षेत्रमा ढुङ्गा छापिने छ भने बिच भागमा एउटा रुख रोपेर वरपर घुमाउरो टेबल बनाएर सबै तिर बेञ्च राख्ने योजना समेत बनाईएको छ । अहिले क्रियापुत्री घरको लागि ट्रस निर्माण हुदै छ भने र्पाकको वरपर फलामको रेलिङ्ग राखेर रेलिङ्गमा फलामकै गमला समेत निर्माण सम्पन्न भई सकेको छ ।
श्रेष्ठले दिनु भएको जानकारी अनुसार पार्कमा फ्रि वाईफाईको समेत ब्यवस्था गर्न खोजिएको छ भने उच्च रक्तचाप भएका ब्यक्तिहरुको लागि समेत हिडने विशेष प्रकारको बाटो निमाृण गर्न लागिएको छ ।
तर उत्त स्थानमा नेपाल बिद्युत प्राधिकरणको ट्रान्सफर्मरबाट करेन्ट लिक हुने भएका कारण उत्त सामाग्रि अन्य स्थानमा स्थानान्तरण गर्न वडालाई आग्रह गरीएको र वडा कार्यालयले समेत उत्त सामाग्री तत्कालै सार्न सिफारीस भई सकेको केही समय भित्रै नेपाल टेलिकमको तारहरु समेत उत्त स्थानबाट सार्न सम्वन्धित कार्यालयलाई पत्राचार भई सकेको छ ।
पार्क निर्माण सम्पन्न भई सके पछि स्थानिय स्तरमा रहेका बृद्वबृद्वा तथा युवा र बालबालिकाहरुलाई समय बिताउने उपयुत्त स्थान हुने छ । सामाजिक अभियान्ता रञ्जित श्रेष्ठले यस अघि पनि रानी पोखरी क्षेत्रमा रहेको पाञ्चायन मन्दिरहरुमा आर्षक बत्तिको ब्यवस्था गरी मन्दिरको आकर्षणलाई वढावा दिनु भएको थियो ।