गोरखा समाचारदाता
चैत्र १४ गते । सेवा सुबिधाको माग गर्दै प्राविधिकहरुले गरेको आन्दोलनका कारण पुनःनिर्माणको काम पुर्ण रुपले ठप्प भएको छ । प्राविधिक हकहित संरक्षण समितिको आब्हानमा भएको आन्दोलनमा सहभागी हुने जिल्लाका सम्र्पूण इन्जिनियर प्राविधिकहरुे काम छोडेर काठमाण्डौमा पुगेका छन् । ‘पुनःनिर्माण जस्तो संबेदनशिल विषयलाई छोडेर यसरी आन्दोलन गर्नु रहर होइन’ प्राविधिक हकहित संरक्षण समितिका सदस्य प्रशान्त ढकालले भने ‘सरकारले हाम्रो उपेक्षा गरेका कारण यो बाध्यता आइपरयो ।’
सेवा सुविधा बढाउनु पर्ने माग गर्दै फागुन १५ गते देखि आन्दोलनमा उत्रिएका उनीहरुले साउन देखि रोकिएको प्रोत्साहन भक्ता सहितका अतिरिक्त सेवा तत्काल उपलब्ध गराउनु पर्ने माग गरेका छन् । नियुत्तिपत्रका उल्लेख भए अुनसार भत्ताको अलवा विमा र सुरक्षाका कुरा पनि उपलब्ध नभएको उनीहरुको गुनासो छ ।
पाँच बुँदे माग राख्दै आन्दोलनमा उत्रिएका प्राविधिकले केही दिन राष्ट्रिय पुर्नःनिर्माण प्राधिकरण जिल्ला आयोजना कार्यान्वयन इकाई गोरखाको कार्यालयमा तालाबन्दी समेत गरेका थिए । ‘हामीले जिल्लामा गरेको आन्दोलनलाई सरकारले सुनेन काठमाण्डौ आयौं’ उनले भने ‘यहाँ पनि आलटार गर्ने प्रयास भएको छ । सरकारलाई हाम्रो जरुरत छैन भने हामी सामुहिक राजिनामा दिन तयार छौं ।’ काठमाण्डौमा प्रर्दशन गरिरहेका ३१ जिल्लाका प्राविधिकहरुले मंगलबार सरकारलाई ७ बुँदे अल्टिमेटम दिदै माग पुरा नभए सामुहिक राजजिनामा दिने घोषणा गरेका हुन् ।
यसै विच पुनःनिर्माण प्राधिकरणले इन्जिनियर यशोसियसनको रोहवरमा प्राविधिक हक हित संरक्षण समितिका पदाधिकारीसँग वार्ता समेत गरेको छ । तर उधारो सहमती भएको भन्दै आन्दोलनरत प्राविधिकहरुले उक्त निर्णय नमान्ने चेतावनी दिएका छन् । ‘वार्ता भयो हाम्रो साथीहरुले पनि हस्ताक्षर पनि गर्नुभएको छ’ उनले भने ‘स्पष्ट रुपमा सरकारको धारणा नआउदासम्म काम नर्फकने सबैको अडान हो ।’ सर्षघ समितिका पदाधिकारीले गरेको निर्णय अन्य सदस्यले नमानेको श्रोतले बताएको छ ।
उक्त वार्तामा आन्दोलन छोडेर काम फर्किन र उनीहरुको रोकिएको सेवा सुबिधा उपलब्ध गराउन पहल गर्ने उल्लेख गरिएको छ । प्राधिकरणका प्रमुख कार्यकारी अधिकृत सुशिल ज्ञावलीको उपस्थितीमा उक्त वार्ता भएको हो । प्राविधिकहरुको मागबारे सरकारलाई जानकारी गराएपनि रकम निकासा नभएको पुर्ननिर्माण प्राधिकरणले बताउँदै आएको छ । उनीहरु आन्दोलनका लागि काठमाण्डौ गएपछि जिल्लामा किस्ता सिफारिस, घरहरुको अनुगमन लगायत पुनःनिर्माण सम्बन्धी सबै काम ठप्प भएको छ गोरखा जिल्लामा २५० भन्दा बढि इन्जिनियर प्राविधिक कार्यरत छन् ।