- नेपालको धेरै जस्तो स्थानले ठाउँ पायो
गोरखा समाचारदाता
चैत्र १३ गते । सन् २०१९ मा घुम्नैपर्ने विश्वका उत्कृष्ट २५ पर्यटकीय गन्तव्यको सूचीमा काठमाडौंलाई समेत समावेश गरिएको छ । घुमफिर र यात्राबारे जानकारी दिने सम्भवतः विश्वकै सबैभन्दा ठूलो अमेरिकी ‘ट्राभल साइट’ ट्रिप एडभाइजर डटकमले काठमाडौंलाई यो वर्ष भ्रमण गर्नैपर्ने १९औं उत्कृष्ट पर्यटकीय गन्तव्यको सूचीमा समावेश गरेको हो ।
ट्रिप एडभाइजर डटकमले काठमाडौं उपत्यका र आसपासका धार्मिक एवं ऐतिहासिकस्थल, वास्तुकलायुक्त भवन, सग्रंहालय, मठमन्दिर, चन्द्रागिरि, नगरकोट, शिवपुरी निकुञ्जका साथैविश्व सम्पदामा सूचीकृत स्थल लाई हेर्नै पर्ने स्थानका रुपमा समावेश गरेको छ ।
बौद्धनाथ, कपन गुम्बा, पशुपतिनाथ, केशरमहलस्थित स्वप्न उद्यान, काठमाडौं, ललितपुर, भक्तपुर दरबार क्षेत्रका साथै ठमेललगायत स्थानलाई दर्शनीय स्थलका रुपमा उक्त साइटले चित्रण गरेको छ ।
बेलायतको राजधानी लण्डनलाई पहिलो नम्बरमा समावेश गरिएको छ भने फ्रान्सको पेरिस दोस्रो, इटलीको रोम तेस्रो, ग्रीसको क्रेट चौंथो र इण्डोनेशियाको बाली पाँचौ स्थानमा छन् । उक्त साइटले घुम्नैपर्ने शहरको सूचीमा दुबईलाई १० औँ र अमेरिकाको न्यूयोर्कलाई १३औं स्थानमा राखेको छ ।