कैलासबावु श्रेष्ठ/गोरखा
चैत ११ गते । एसइई परिक्षा दिन आएका १ जना बिद्यार्थी त्रिशुली नदीमा पौडी खेल्ने क्रममा त्रिशुली नदीमा डुबेर मृत्यु भएको छ ।
गोरखाको गण्डकी गाउँपालिका–६ भुम्लिचोक करनटारका कमल चेपाङ सोमबार दिउसो परिक्षा सकेर पौडी खेल्दा सोही गाउँपालिकाको वडा–७ मा रहेको घ्यालचोकको धवादीमा उनको मृत्यु भएको जिल्ला प्रहरी कार्यालय गोरखाले जानकारी दिएको छ ।
भद्रकाली मावि भुम्लिचोकमा पढ्ने चेपाङ्ग आइतबारबाट सुरु भएको एसइई परीक्षा दिनको लागि गण्डकी गाउँपालिका–७ को घ्यालचोक बस्दै आएका थिए । अनिवार्य नेपाली विषयको परीक्षा दिएपछि साथीहरुसँग पौडी खेल्ने क्रममा दिउँसो २ः४० बजे घ्यालचोकको धवादी स्थित त्रिशुली नदीमा डुबेर चेपाङ्गको मृत्यु भएको गाउँपालिकाका अध्यक्ष होमबहादुर रानाले जानकारी दिनु भयो ।
घटना घटेको जानकारी पाउनासाथ गोरखाका प्रहरी घटना स्थलमा अध्ययन गर्न गएको जिल्ला प्रहरी कार्यालय गोरखाका प्रहरी उपरिक्षक भोलाबहादुर रावलले जानकारी दिनु भयो ।
