कैलासबावु श्रेष्ठ/गोरखा
चैत्र ७ गते । गोरखा नगरपालिकाले लिगलिग पालुङ्टार मेयर कपको उपाधी जिते संगै बिहीबार गोरखा सदरमुकाममा बिजयी रयालीको आयोजना गरिएको छ ।
बुधबार पालुङ्टारको हवाई मैदानमा भएको फाइनल खेलमा गैडाकोट नगरपालिकालाई २–० गोल अन्तरले हराउदै गोरखा नगरपालिकाले उपाधी उचालेको थियो । पहिलो हाफ गोलरहित सकिएपनि दोस्रो हाफमा गोरखा नगरपालिकाले २ गोल गर्दै उपाधी पक्का गरेको थियो । गोरखा नगरका लागि दोस्रो हाफको ३७ मिनेटमा जर्सि नम्बर ५ का विकास गुरुङले गोल गरे भने जर्सि नम्बर ६ का जमिर मास्केले खेलमा थप भएको ५ मिनेटको तेस्रो मिनेटमा एक गोल गरेका थिए ।
जित संगै गोरखा नगरपालिकाले नगद २ लाख ३४ हजार ५ सय ६७ रुपैया नगद सहित ट्रफि, मेडल र प्रमाणपत्र प्राप्त गरेको छ । यसै बिच बिजयी भएको खुशीयालीमा बिहीबार दिउसो खेलाडीहरुलाई सम्मान गर्न गोरखा बजारमा रयालीको आयोजना गरीएको गोरखा नगरपालिकाले जानकारी दिएको छ ।
रयालीले गोरखा बजार परिक्रममा गरी खेलाडीको सम्मान गर्ने र सर्व साधारणहरुलाई गोरखा नगरपालिकाले जित हात पारेको जानकारी दिने योजना रहेको कार्यालय श्रोतले जानकारी दिएको छ ।