नरेन्द्र ढकाल/गोरखा
चैत्र ७ गते । सेवाग्राहीसँग अतिरिक्त रकम लिएको आरोपमा घरेलु कार्यालयले तिन कर्मचारीसँग स्पष्टिकरण सोधिएको छ । प्रशासन फाँटमा काम ती कर्मचारीले सेवाग्राहीसँग गैरकानूनी रुपमा कार्यालय परिसरमै रकम असुलेको विषयमा गोरखा समाचारले समाचार प्रकाशन गरेपछि लिखित स्पष्टिकरण माग गरिएको हो । ‘उक्त कुरा थाहा पाउने बित्तिकै मैले उहाँहरुसँग लिखित स्पष्टिकरण लिइसकेको छु’ घरेलु तथा साना उद्योग बिकास समितिको कार्यालयका प्रमुख नवराज रावतले भने ‘अहिले हामी थप अध्ययन क्रममा छौं ।’
करारमा रहेका ती कर्मचारीलाई उक्त फाँटबाट हटाइएको छ । उनीहरु घरेलु मार्फत सञ्चालन भएको एक परियोजनाका लागि फिल्डमा काम गर्ने कर्मचारीहरु रहेको कार्यालयले जानकारी दिएको छ । कर्मचारी अभावका कारण उनीहरुलाई कार्यालयको झिकाएर काम लगाइएको भन्दै प्रमुख रावतले घटनाका विषयमा थप अनुसन्धान भइरहेको बताए । ‘कार्यालय समयमा भित्र बसेर त्यस्तो काम गरेको छैनौं भनेर लिखित स्पष्टिकरण दिनुभएको छ’ उनले भने ‘यदी सेवाग्राहीले भित्रै पैसा दिएको प्रमाणित हुन्छ भने हामी कानून अनुसार कारवाही गछौं, रकम पनि फिर्ता हुन्छ ।’ दर्ता शुल्क १०० रुपैयाँ बाहेक अतिरिक्त रकम बुझाएको भए सम्र्पकमा आउन कार्यालय प्रमुख रावतले स्किम बुझाएका व्यवसायीलाई आग्रह समेत गरेका छन् । कार्यालय समय भित्र कुनै पनि कर्मचारीलाई अतिरिक्त काम गर्न नमिल्ने उनको भनाई छ ।
उपर्युक्त प्रविधि (मेशिन औजार उपकरण) हस्तान्तरण कार्यक्रमको स्किम (योजना) पेस गर्ने क्रममा कर्मचारीले प्रति सेवाग्राही ३ हजारसम्म रकम लिएको सेवाग्राहीले गुनासो गरेका थिए । बाहिरबाट बनाएर लगेको स्किम नभएको भन्दै ती कर्मचारीले २ हजार ५०० देखि तिन हजार सम्म रकम असुलेको व्यवसायीहरुले बताएका छन् ।
चालु आर्थिक वर्ष २०७५/०७६ को वार्षिक स्वीकृत कार्यक्रम अनुसार उक्त कार्यालयमा दर्ता भई सञ्चालनमा रहेका लघु, घरेलु तथा साना उद्यमीहरुलाई उपर्युक्त प्रबिधि (मेशिन औजार उपकरण) हस्तान्तरणको लागि प्रस्ताव आब्हान गरिएको थियो । बढिमा १ लाख सम्मको मेशिन औजार उपकरण हस्तान्तरणको लागि कार्यालयले ८० प्रतिशत अनुदान उपलब्ध गराउने कार्यविधि छ । २० प्रतिशत भने स्वम् व्यवसायीहरुले बेहोर्नु पर्छ । उक्त कार्यक्रम अन्र्तगत ५६ जना लघु, घरेलु तथा साना उद्यमीहरुले अनुदान माग गर्दै स्किम दर्ता गराएका छन् । उक्त प्रस्तावहरुलाई मूल्याङ्कन गरी ४० जनालाई अनुदान दिने कार्यालयको योजना छ ।
