गोरखा समाचारदाता
हर्सोल्लाषका साथ फागुपुर्णिमा अर्थात होली पर्व मनाइएको छ । हिन्दू धर्म अनुसार हरेक वर्षको फागुन शुक्ल पुर्णिमाका दिन होली मनाउने गरिन्छ । त्रेता यूगमा भगवान विष्णुका परम भक्त प्रह्लादसंग होलीलाई जोडेर हेरिन्छ, हिरण्यकश्यपुका पुत्र प्रह्लादलाई उनको आफ्नै फुपु होलिकाले आगोमा भष्म पार्न लाग्दा उनि आँफै आगोमा भष्म भएकी थिइन र त्यही दिनदेखि होलीका पर्व पर्दापण भएको मानिन्छ । वसन्त ऋतुमा फाल्गुन महिनामा होलीलाई रङ्गहरूको पर्वको रुपमा पनि लिने गरिन्छ ।
मानिसहरूले एक अर्कामाथि विभिन्न प्रकारका रङ्गहरू हालेर एक अर्कालाई रङ्गिन बनाउने गर्छन । पुरानो कटुता समाप्त गरेर, दुस्मनी बिर्सेर मान्छे एक–अर्कासित अंकमाल गर्दै पर्व मनाउने भएकाले यसको ठूलो महत्व छ । पहाडी क्षेत्रमा आज र तराईमा भोली यो पर्व मनाउने गरिन्छ । सोही अनुरुप आज पहाडमा र भोली तराईमा सार्वजानिक विदा समेत दिएको थियो ।
होलीको अबसरमा जिल्ला सदरमुकाममा औपचारीक कार्यक्रम पनि भएका छन । सास्कृतिक कार्यक्रम गरी संकलन भएको रकमले समाज सेवा गर्दै आएको गोरखा मल्टिट्यालेन्ट गुप्रले विभिन्न सास्कृतिक कार्यक्रम सहित होली मनाएको हो । रानीपोखरी परिसरमा भएको उक्त कार्यक्रममा मल्टिट्यालेन्टका अलवा अन्य राष्ट्रिय तथा स्थानीय कलाकार, मिस गोरखाका सुन्दरीहरु लगायतले पनि आफ्नो प्रस्तुति देखाएका थिए ।
यसैगरी गोरखा जेसिसले वर्षपाक स्थित जेसिस प्रतिक्षालयमा एक कार्यक्रम गरी शुभकामना आदान प्रदान गरेको छ । गोरखा नगरपालिकाका प्रमुख राजनराज पन्तको विशेष उपस्थितीमा भएको उक्त कार्यक्रममा सामुहिक रुपमा होली खेलिएको जेसिस गोरखाका अध्यक्ष राजिव अधिकारीले जानकारी दिए । उक्त कार्यक्रममा मल्टिट्यालेन्ट गुप्रका अलवा, विभिन्न राष्ट्रिय तथा स्थानीय कलाकार, मिस गोरखा लगायतले सास्कृतिक प्रस्तुति देखाएका थिए ।
जिल्ला अन्य ठाउँमा पनि कार्यक्रमहरु आयोजना गरी होली पर्व मनाएको खवरहरु प्राप्त भएको छ । यसैविच स्वत स्फूर्त रुपमा पनि सर्वसाधरणले सदरमुकाम लगायत जिल्ला भर आपसमा रङ दलेर होली मनाएका छन् । अवाञ्छित क्रियाकलाप गरेको आरोप सदरमुकाम २ जना लाई प्रहरी नियन्त्रण लिएको कारवाही प्रक्रिया अगाडी बढाएको छ । पर्वको मौका छोपी हुन सक्ने गैरकानूनी कामलाई नियन्त्रण गर्न प्रहरी प्रशासनले विशेष निग्ररानी समेत बढाएको थियो । तराई क्षेत्रमा भने आज होली मनाईदैछ ।
