कैलासबावु श्रेष्ठ/गोरखा
चैत्र ४ गते । गोरखाको आरुघाट बजार आज बन्द गरीएको छ । बुढी गण्डकी प्रभावित क्षेत्र भित्र रहेको आरुघाट बजारको मुआब्जा अहिले सम्म नतोकेको भन्दै बिरोध स्वरुप आज एक दिन बन्द गरीएको हो ।
बन्दका कारण आरुघाट बजार भएर बाहिर जाने कुनै पनि सवारी साधान बाहिरीन र भित्रीन पाएको छैन । बजार क्षेत्र भित्र रहेको सरकारी तथा निजी शिक्षण संस्थानहरु समेत बन्द भएको छ भने बजार पुर्ण रुपमा बन्द भएको छ ।
बुढीगण्डकी आयोजना राष्ट्रिय सरोकार समितिको आयोजनामा बजार बासीले तत्कालै उचित मुआब्जा तोक्न भन्दै आज बजार बन्द गरीएको स्थानिय सन्दिप श्रेष्ठले टेलिफोन मार्फत जानकारी दिनु भयो । गोरखाको आरुघाटका साथै धादिङ्गको विशाल नगर समेत पूर्ण रुपमा बन्द भएको श्रेष्ठले जानकारी दिनु भयो ।
राज्यको कमजोरीका कारण अहिले सम्म पनि आरुघाट क्षेत्रको मुआब्जा निर्धारण हुन नसकेको भन्दै अब चुप लागेर बस्ने अबस्था नभएकोे सघर्षमा उत्रिएको आरुघाटका सिजन श्रेष्ठले बताउनु भयो । आयोजनाले बर्षौ अघि देखी घर जग्गा कारोबार रोक्का राखेले त्यस क्षेत्रका उद्योगी ब्यवसायीहरुले बैंकबाट कारोबार गर्न नपाएको र आफुहरु धराशाई भई सकेको भन्दै वार र पारको सघर्ष उत्रिन सरकारले बाध्य नपार्न आरुघाट बासीको आग्रह रहेको छ ।
आयोजनाले पछिल्लो पटक मुआब्जा नै नतोकि घर, गोठ र बोट बिरुवाको लगत संकलन गरे पछि झनै त्यस क्षेत्रका प्रभावितहरु आयोजना र सरकार प्रति रुष्ट भएका छन ।
आयोजनाले अब गोरखाको साविक तान्द्राङ, आरुपोखरी, आरुपोखरी र आरुचनौटे गरी चार गाउँ बिकास समितीको मात्र मुआब्जा बितरण गर्न बाँकी रहेको आयोजना प्रमुख कृण्णबहादुर कार्कीले बताउनु भयो । आरुघाट बजार भने साविक आरुचनौटे गाउँ विकास समिति भित्र पर्दछ ।
आरुघाट बजार उत्तरी गोरखाको मुख्य ब्यापारीक नाका हो ।
तस्बिर सौजन्य संगम श्रेष्ठ/आरुघाट, गोरखा
