गोरखा समाचारदाता
सामाजिक जवाफदेहिताका औजारहरुका बारे एक दिने अभिमुखिकरण कार्यक्रम सम्पन्न भएको छ । सोच नेपाल र गोरखा जेसीज गोरखाको संयुक्त आयोजनामा सदरमुकाममा युवाहरुलाई लक्षित गरि अभिमुखिकरण तालिम सम्पन्न भएको हो । समाजमा शुसासन प्रवद्र्धन, जवाफदेहिता र पारदर्शिता कायम गर्न र गराउने बिधि र त्यसका औजारहरुका बारे जानकारी दिने उदेश्यले आयोजना गरिएको तालिममा गोरखा जेसीजमा आवद्ध ३० भन्दा बढि युवाहरुको सहभागिता रहेको थियो ।
गोरखा जेसीजका अध्यक्ष राजिव अधिकारीको अध्यक्षतामा भएको कार्यक्रममा एफएचआई ३६० का भोला भट्टराई र नेपानका क्षमता विकास विज्ञ गोविन्द पौडेलले सहजिकरण गरेका थिए । बिशेष गरी सामाजिक जवाफदेहिताका औजारहरु सार्वजानिक सुनुवाई, सामाजिक परिक्षण, सामुदायिक अंकपत्र, सार्वजानिक खर्चको सोधखोज लगायतका बिषयमा तालिममा जानकारी गराइएको थियो ।
सोच नेपालले जिल्लामा शुसासन कायम गर्न नागरिक समाज ः पारस्परिक जवाफदेहिता परियोजना मार्फत बिभिन्न कार्यक्रम गर्दै आएको जिल्ला प्रतिनिधी मोहसिन अलि मियाँले जानकारी दिए ।
