गोरखा समाचारदाता
आहाल भञ्जाङ माध्यामिक विद्यालय थालाजुङको ६६ औं वार्षिक उत्सव कार्यक्रम सम्पन्न भएको छ ।
सिरानचोक गाउँपालिका २ मा रहेको उक्त विद्यालय व्यवस्थापन समितिका अध्यक्ष धनबहादुर गुरुङको अध्यक्षता तथा गाउँपालिका शिक्षा समितिका सदस्य एवं वडा नम्बर २ का अध्यक्ष ज्ञानेन्द्र गुरुङको प्रमुख आतिथ्यतामा भएको कार्यक्रममा शिक्षा शाखा प्रमुख ज्ञानेन्द्र पोखरेल, मण्डली माविका प्रधानाध्यापक रुद्धनाथ पोखरेल, शिक्षक अभिभावका संघका अध्यक्ष प्रेमबहादुर अधिकारी, पूर्व अध्यक्ष बाबुराम गुरुङ, युक्तमान–भिमबहादुर–टेकमान गुरुङ स्मृति प्रतिष्ठानका सञ्चालन राजु गुरुङ लगायत मन्तव्य राखेका थिए कार्यक्रममा प्रधानाध्यापक केसरसिंह बस्नेतले ६१ लाख रुपैयाँ बराबरको अनुमानित विद्यालयको वार्षिक प्रगति प्रतिवेदन प्रस्तुत गरेका थिए ।
उक्त अबसरमा खमारीका ईश्वरबहादुर बस्नेतबाट १६ हजार बराबरको साउण्ट स्टिम, सुबेदार चक्रबहादुर गुरुङले १२ हजारको ड्रमसेट सहित नगद, जिल्ला खेलकुद विकास समिति, अन्तत ज्योति मण्डली खेलकुद सामाग्री उपलब्ध गराएको भन्दै विद्यालयले सम्मान समेत गरेको थियो । पूर्व प्रधानाध्यापकहरु जितबहादुर अधिकारी, विष्णुप्रसाद भट्ट र मुकेशकुमार यादव, सिर्जनशिल महिला बचत थालाजुङलाई लगायत १३ जना व्यक्ति एवं मायाको चिनो प्रदान गरिएको विद्यालयका प्रअ बस्नेतले जानकारी दिए । वार्षिक उत्सवको भएको अन्र्तर निमावि हाजिर जवाफ प्रतियोगितामा आयोजक आहाल भञ्जाङ मावि पहिलो, महेन्द्र लिला मावि हर्मी दोश्रो, जनज्योति मावि चिफ्लेटी तेश्रो भएका छन् ।
विजेता विद्यालयका विद्यार्थीहरुलाई पुरस्कार वितरण गरिनुका साथै विभिन्न सास्कृतिक तथा खेलकुदका कार्यक्रमहरु पनि गरिएको उनले जानकारी दिए ।
