गोरखा समाचारदाता
गोरखा नगरपालिका २ कोखेमा रहेको श्री महालक्ष्मी वचत तथा ऋण सहकारी संस्थाको नवौ साधारसभा सम्पन्न भएको छ ।
संस्थाकी अध्यक्ष रञ्जिता थापा मगरको अध्यक्षतामा भएको साधारसभाको एक कार्यक्रमका बिच गोरखा नगरपालिकाकी उपप्रमुख विना कुमारी श्रेष्ठले उद्घाटन गरेकी हुन् । २ सय १० जना सदस्य रहेको संस्थाले यस बर्ष १ लाख २१ हजार रुपैया नाफा गरेको बताएको छ ।
कार्यक्रममा संस्थाकी सचिव जुना परियारले बार्षिक प्रतिवेदन तथा कोषाध्यक्षको प्रतिवेदन विनिता थापा मगरले प्रस्तुत गरेकी थिइन् । कार्यक्रमकै अवसरमा सदस्यहरुबाट ३ जना असल सासुहरु छनौट गरी सम्मान समेत गरिएको छ । बुहारीलाई छोरी सरह ब्यवहार गरी माया गरेको भन्दै संस्थाले स्थानीय सिरा बोहोरा, मैती विक र कमल कुमारी थापा मगरलाई दोसल्ला ओढाएर सम्मान गरेको हो ।
कार्यक्रममा उपप्रमुख विनाकुमारी श्रेष्ठ, सोड नेपालका अध्यक्ष ज्ञान प्रसाद श्रेष्ठ, वडाध्यक्ष रहमतुल्ला मियाँ लगायतले बोलेका थिए ।
