कैलासबावु श्रेष्ठ/गोरखा
फागुन १५ गते । गोरखा बजारमा नाम बिनाको झोल औषधी बिक्रीगर्नेहरु जनही ५० हजार धरौटीमा तारेखमा रिहा भएका छन ।
फागुन १ गते गोरखा बजारमा विभिन्न रोगको उपचार हुने भन्दै नाम बिनाका झोल औषधी बिक्री गर्दै गरेको अवस्थामा प्रहरीले नियन्त्रणमा लिएका ५ जना बुधबार जनही ५० हजार धरौटी राखेर तारेखमा रिहा भएका छन । औषधी भने प्रहरीले आफ्नो नियन्त्रणमा राखेको छ । धरौटीमा रिहा हुनेमा १ जना भारतीय नागरिक रहेको छ ।
सार्वजनिक स्थलमा पसल राखेर औषधी बिक्री गर्दै गरेका लमजुङ्ग मस्र्याङदी गाउँपालिका ७ का १७ बर्षिया बिना अधिकारी, सोही स्थानमा बसोबास गर्ने बर्ष १८ का सौगात अधिकारी, बाँके बैजनाथ गाउँपालिका ३ का २६ बर्षिय बुद्विराम खत्री, बाँके बैजनाथ गापा ६ का २० बर्षिय अमृत बुढा र भारतीय नागरिक अलिम सेखलाई सार्वजनिक मुद्वा दर्ता गरी जनही ५० हजार धरौटी लिएर तारेखमा रिहा गरीएको हो ।
यस अघि पनि गोरखा सदरमुकाममा यस्तै प्रकृतीको नाम नखुलेको झोल औषधी बिक्री गर्ने भारतीय मुलका केही ब्यक्तिलाई नियन्त्रणमा लिएर उनीहरु संग भएको औषधी नष्ट गरी छाडिएको थियो ।
जिल्लामा यस्ता प्रकृतीका औषधी ब्यापारीलाई नियन्त्रणमा लिएको यो दोस्रो घटना हो । उत्पादक कम्पनीको नाम, औषधीको नाम, उत्पादन मिति र प्रयोग गर्न मिल्ने मिति समेत नभएका त्यस्ता औषधी बिक्री प्रयोग पछि सर्व साधारणम पर्न जाने स्वास्थ्य समस्याको बिषयमा सरोकारवाला बेलैमा गंभिर हुन आवश्यक छ ।
