गोरखा समाचारदाता
गोरखा सदरमुकाममा रहेको हिमचुली बचत तथा ऋण सहकारी संस्था लि.ले बुधबार एक कार्यक्रम गरी २६ औ स्थापना दिबस मनाएको छ । संस्थाले स्थापना दिवस अवशरमा वक्तृत्वकला प्रतियोगिता समेत आयोजना गरेको थियो ।
स्थापना दिवसको अबसरमा संस्थाले आयोजना गरेको वक्तृत्वकला प्रतियोगिता मा सन्त म्यारीज स्कुलका छात्र समर्पण आचार्य प्रथम, नब ज्योति मावि डण्डीडाँडाकी छात्रा सुस्मिता रोका द्धितिय, मनकामना बोडिङ्ग स्कुल सतिपिपलकी छात्रा समिक्षा बस्नेत तृतीय र श्री सरस्वती माध्यामिक बिद्यालय आहालेकी छात्रा एसिका बानियाँ सान्त्वना भएको सहकारी संस्थाले जानकारी गराएको छ ।
स्थापना दिवशको अवशरमा आयोजित वक्तृत्वकला प्रतियोगितामा गोरखा नगरपालिका भित्रका ९ माबिको सहभागिता रहेको थियो ।
संस्थाले स्थापना दिवसकै अवसरमा संस्थाका असल ऋणीहरुलाई सम्मान समेत गरेको छ । अम्बर बहादुर राना मगर, बसन्ती नेपाली र दिपकराज पाण्डेलाई संस्थाले असल ऋणीको रुपमा सम्मान गरेको हो ।
संस्थाले बुधबार नै शेयर सदस्यहरु छोराछोरी मध्येबाट कक्षा १ देखि १० सम्म अध्ययनरत सर्बोत्कृष्ट अंक प्राप्त गर्न सफल छात्रछात्रा र संस्था भित्रका २ जना जेष्ठ नगरिकलाई पनी सम्मान गरेकोछ ।
