गोरखा समाचारदाता
उत्तरी गोरखाको गुरुङ भाषाकोे पहिलो चलचित्र फुङको च्यारिटी शोे भएको छ । गोरखाको उत्तरी भेगको जिवनस्तर उजागर गर्ने उदेश्यले निर्माण गरिएको फुङको नयाँबजार स्थित गोरखकाली चलचित्र मन्दिरमा च्यारिटी शो गरिएको हो । प्रितम गुरुङद्धारा निर्देशित गुरुङ भाषाको चलचित्र फुङमा प्रितम गुरुङ, मिरा गुरुङ र सलिना गुरुङको मुख्य अभियन छ ।
उत्तरी गोरखा तमु समाजसंगको सहकार्यमा निर्माण भएको फुङमा त्यहाँको यथार्थता देखाउन खोजिएको चलचित्र टिमले बताएको छ । ‘हामीले माथील्लो भेगको बस्तु स्थितीको यथार्थता देखाउन खोजेका छौ’ नायक तथा निर्माता आइतराम गुरुङले भने ‘फिल्म पूरै प्रकृतीमा आधारित छ, त्यहाँको प्रकृती र रहनसहनलाई जस्ताको तस्तै बाहिर ल्याएका छौ ।’ त्यस्तै निर्देशक प्रितम गुरुङले यो चलचित्र मात्रै नभई ऐतिहासिक दस्तावेज समेत भएको बताएका छन् । गोरखाको उत्तरी भेगमा घले र गुरुङबिच भाषाको विवाद भइरहदा गुरुङ भाषा र संस्कृतीलाई चलचित्रबाट प्रचार एवं संरक्षण गर्नका लागि प्रयास गरेको उनको भनाई छ । ‘भाषा र संस्कृतीलाई जगेर्ना गर्नका लागि पनि हामीले यो फिल्म बनाएका हौ’ निर्देशक गुरुङले भने ‘यो चलचित्र मात्रै होइन, ऐतिहासिक दस्तावेज पनि हो ।’
२० लाख लागतमा निर्माण भएको फुङ काठमाण्डौ सहित मलेशियाका बिभिन्न शहरहरुमा प्रदर्शन भइसकेको छ भने बिभिन्न स्थानमा च्यारिटी शो प्रदर्शन गर्ने तयारी चलचित्र निर्माण समुहको छ ।
फुङ धार्चे गाउँपालिका ५ को गुम्दामा छायांकन गरिएको हो । जिल्लामा रहेका गुरुङकै ५ भाषा मध्येको एक भाषामा फुङ निर्माण भएको उत्तरी गोरखा तमु समाजका अध्यक्ष गोपाल गुरुङले जानकारी दिए । शनिवार प्रर्दशन गरिएको उक्त चलचित्र हेर्न उत्तरी गोरखा स्थायी घर भइसदरमुकाममा पेशा व्यवसाया गर्नेहरु अन्य सर्व साधारण उलेख्य मात्रामा हलमा पुगेको चलचित्रकी सह नायिका सलिना गुरुङले जानकारी दिइन् ।
