- छैठौं गोरखाकाली कप फुलबल प्रतियोगिता शुरु
कैलासबावु श्रेष्ठ/गोरखा
फागुन ७ गते । मंगलबार देखी गोरखा सदमुकाममा छैठौं गोरखाकाली कप फुटबल प्रतियोगिता शुरु भएको छ ।
खेलको पहिलो दिन चितवनको त्रिवेणी क्लव र लमजुङ्गको श्री जंग गण बिच भएको खेलमा त्रिवेणी क्लबले जित हात पारेको छ ।
निर्धारित ३०/३० मिनेटको खेलको पहिलो हाफमा नेपाली सेनाको श्री जंग गणका शतिसराज धामीले र त्रिवेणी क्लबका विकी राईले १–१ गोल गरेका थिए । खेलको दोस्रो हाफमा कुनै पनि टिम बाट गोल हुन नसके पछि ट्राई बेकरका आधारमा त्रिवेणी क्लबले श्री जंग गणलाई ४–२ अन्तरले जित हात पारेको थियो ।
निर्धारित समय पछि भएको खेलमा नेपाली सेनाको श्री जंग गणका खेलाडीले गोल पोष्टमा प्रहार गरेको २ गोललाई रोक्न सफल भए पछि त्रिवेणीले पहिलो दिनको खेलमा जित हात पार्न सफल भएको थियो ।
हरमटारी क्लवको आयोजनामा भएको फुटवल प्रतियोगिताको गोरखा नगरपालिकाका प्रमुख राजनराज पन्तले कार्यक्रमको उदघाटन गनु भएको थियो ।
प्रमुख पन्तले रेफ्रीलाई फुटवल दिएर खेल उदघाट्न गरेका थिए ।
कार्यक्रममा गोरखा बोर्डिङ्ग स्कुलका साना साना नानीहरुले स्वागत नृत्य समेत प्रस्तुत गरेका थिए ।
प्रतियोगितामा बिजेता हुने टिमले नगद २ लाख र उप बिजेता हुने टिमले १ लाख पाउने छन । त्यस्तै गरी सेमिफाईनलमा पुग्ने २ टिमलाई ५०÷५० हजार नगद प्रदान गरीने छ । खेलमा सर्वोत्कृष्ट खेलाडीलाई १५ हजार, सर्वोत्कृष्ट अग्रपक्ति, मध्येपंक्ति, रक्षक, गोल रक्षक र गोलकर्ताले जनही ७ हजार ५ सय पुरस्कार पाउने छन् ।
फागुन १४ गते सम्म चल्ने उत्त प्रतियोगितामा १६ समूहको सहभागिता रहेको आयोजक संस्थाका अध्यक्ष विशाल गुरुङ्गले जानकारी दिनु भयो ।