गोरखा समाचारदाता
धार्चे गाउँपालिका वडा नम्बर ३ उहियामा आयोजना भएको ऐतिहासिक तातोपानी मेला सकिएको छ ।
सो क्षेत्रको धार्मिक, सांस्कृतिक, खेलकुद, पर्यटन तथा कृषिको प्रवद्र्धन गर्ने उदेश्यले माघ १५ गते देखि सुरु भएको मेला सकिएको हो ।
तातोपानी क्षेत्र संरक्षण तथा सम्बद्र्धन बिकास केन्द्रका अध्यक्ष सुअन गुरुङको अध्यक्षतामा भएको कार्यक्रममा धार्चे गाउँपालिका वडा नम्बर १ अध्यक्ष दिलिपी गुरुङ, ३ का अध्यक्ष इन्द्रप्रसाद गुरुङ लगायतले मन्तव्य राखेका थिए ।
५ दिनसम्म चलेको मेलामा स्थानीय कला संस्कृति झल्कने खालका सांस्कृतिक तथा सांगितिक कार्यक्रम, खेलकुद र कृर्षि प्रर्दशनी गरिएको स्थानीय मिनबहादुर सुनारले जानकारी दिए । सोही अबसरमा भएको खुल्ला भलिबल प्रतियोगिताको उपाधी मञ्जुश्री गुम्बा युवा क्लव काशी गाउँले जितेको छ । यसैगरी हेण्सम युवा क्लव गोरखा दोश्रो र जुनतारा युवा क्लव सिर्दिबास तेश्रो भएका छन् । प्रतियोगिताका बिजेताहरुले क्रमश ६० हजार, ४० हजार, ३० हजार नगद पुरस्कार सहित मेडल र प्रमाणपत्र पाएका छन् ।
ऐतिहासिक तातोपानी क्षेत्रको प्रवद्र्धन गर्ने उदेश्यले वर्षेनी त्यहाँ मेला हुँदै आएको छ ।