गोरखा समाचारदाता
दोस्रो मिस गोरखा २०१८ ब्यूटी विथ ब्रेनको फइनल आगामी १९ गते हुने भएको छ । सौन्दर्य कला ब्यवसायी संघ गोरखाको आयोजनामा भइरहेको मिस गोरखा प्रतियोगिताको फाइनल सदरमुकामको गोरखकाली चलचित्र मन्दिरमा माघ १९ गते हुने भएको हो । कुल २५ जनाले सहभागिता जनाएको प्रतिष्प्रधाबाट हाल १४ जना प्रतियोगीहरु भई प्रशिक्षणका क्रममा रहेको संघकी अध्यक्ष सुकु श्रेष्ठले बताइन् ।
प्रशिक्षणका क्रममा फोटोसुट, भिडियो प्रोफाइल सुट, संस्कार संस्कृती तथा शैक्षिक अवलोकन भ्रमण, सेल्फ ट्यालेण्ट हुदै उनिहरुले फाइनलका दिन आफुले सिकेका कुरा देखाउने आयोजकको भनाई छ । १६ देखि २४ बर्षसम्मका युवतीहरुलाई लक्षित गरि उनिहरुको ब्यक्तित्व विकास, नेतृत्व विकास, आत्मविस्वास अभिबृद्धि गराई सामाजिक कृयाकलापमा अग्रसर गराउने उदेश्यले आयोजना गरिएको दोस्रो मिस गोरखा प्रतियोगिताका विजयीलाई नगद ५० हजार सहित क्राउन र अन्य आकर्षक पुरस्कार प्रदान गरिने संघका सल्लाहकार भाइचन्द्र श्रेष्ठले बताए । त्यस्तै फस्ट रनरअपले ३० हजार नगद सहित क्राउन, सेकेण्ड रनरअपले २० हजार नगद सहित क्राउन र थर्ड रनरअपले नगद १० हजार सहित क्राउन र आकर्षक पुरस्कार पाउने सल्लाहकार श्रेष्ठको भनाई छ ।
