• पदाधिकारीमा भने सहमती जुट्न सकेन

गोरखा समाचारदाता

नेपाली काँग्रेस निकट विद्यार्थी संगठन नेपाल विद्यार्थी संघको अध्यक्षमा सुबास अधिकारी सर्वसम्वत चयन भएका छन् । बिहीबार भएको १६ औं अधिवेशनमा अध्यक्ष पदका लागि उनको एकल उम्मेदवारी परेपछि अधिकारी सर्वसम्वत चुनिएका निर्वाचन अधिकृत लुमनाथ लामिछानेले जानकारी दिए । अजिरकोट गाउँपालिका वडा नम्बर ४ सिम्जुङका अधिकारी यस अघिको कार्यकालका सहसचिव हुन् ।

अध्यक्षमा एकल उम्मेदवारी परेर सचिव र कोसाध्यक्ष पदमा आकांक्षी धेरै भएपछि सहमती जुट्न नसकेको श्रोतले बताएको छ । केन्द्रको गुटगत प्रभावका जिल्लाका नेताहरुमा परेका पछि आफू निकेटका पदाधिकारी बनाउन उनीहरुले हानथाप गर्दा राती अबेर सम्म निर्णय हुन नसकेको नेबिसंघका कार्यकताहरुले बताएका छन् ।

सचिव पदमा ५ र कोसाध्यक्षमा ६ जनाको उम्मेदवारी परेको निर्वाच अधिकृत लामिछानेले जानकारी दिए । ‘सहमतीको लागि उहाँहरुले समय माग्नु भएको छ’ उनले भने ‘सोही अनुसार उम्मेदवारी फिर्ता लिने समय थप गरिदिएका हौं ।’ सोही अनुरुप उम्मेदवारी फिर्ताका लागि शुक्रबार विहान ८ बजे सम्मको समय दिइएको छ ।

केही पद टुंग्याउन समय लागेपछि उम्मेदवारहरुले नै निर्वाचन समितिसँग थप समय मागेको लामिछानेले बताए । सहमतीका लागि उच्च स्तरिय समिति निर्माण गरिएको छ । पार्टी सचिव नन्दप्रसाद न्यौपाने, क्षेत्रिय सभापती धिरन थापा, बलराम खड्का, रुपबहादुर गुरुङ, शरण श्रेष्ठ र सुवास अधिकारी लगायत रहेको उक्त समितिले उम्मेदवारीहरुसँग छलफल गरिरहेको नेबिसंघ श्रोतले बताएको छ । ‘चुनाव भए एउटाले जित्छ अरु सबैले हार्नुपर्छ, त्यस्तो नगरौं भनेर हामीले नै दाईहरुलाई अनुरोध गरेका हौं’ एक आकांक्षीले भने ‘उहाँहरुले जसको नाम फाइनल गर्नुहुन्छ त्यो हामी सबैलाई मान्य हुन्छ ।’

तर अधिकाशं पदमा सहमती जुटिसकेको श्रोतको दाबी छ । सचिवमा मिलनसिं बस्न्यात, कोसाध्यक्ष राजेन्द्र थापाको नाम चर्चामा छ । यसैगरी उपाध्यक्षमा शिवहरी तिमिल्सीना र बिक्रम अधिकारीलाई सहसविच चयन गर्ने सहमती पनि भएको नेबिसंघका एक नेताले बताए । पदाधिकारी मध्ये उपसभापती र सहसचिव समितिको बैठकले मनोनित गर्ने नेबिसंघको विधानमा उल्लेख छ ।

उच्च स्थतरिय टोलीले पदाधिकारीको नाम टुंग्याएपनि प्रदेशप्रतिनिधि र जिल्ला कार्यसमितिका सदस्यहरुको नाममा सहमती हुन नसकेका कारण शुक्रबार विहान ८ बजे सम्मका लागि समय मागिएको उक्त टोलीका एक नेताले बताए । स्वतन्त्रबाट ९, सिटिभिटीका ५, त्रिभुवन विश्वविद्यालय अन्र्तगतका ९ जना प्रदेश प्रतिनिधि जान पाउने व्यवस्था छ । केन्द्रिय प्रतिनिधि भने प्रदेशले छान्ने नेविसंघको विधानमा उल्लेख छ । घण्टौं समय छलफलमा जुटेको उच्च स्तरिय समितिले बिहिबार अन्तिम रुप दिन नसकेपछि शुक्रबार विहान ८ बजे पुनः छलफलमा जुट्ने गरी नेताहरु उठेका हुन् ।

नेबिसंघका जिल्ला अध्यक्ष रुपबहादुर गुरुङको अध्यक्षता तथा राष्ट्रिय सभाका प्रमुख प्रतिपक्षी दलका नेता सुरेन्द्रराज पाण्डेको प्रमुख आतिथ्यतामा भएको कार्यक्रममा नेबिसंघका केन्द्रिय उपाध्यक्ष डिल्ली सुवेदी, रामप्रसाद अधिकारी, सह–महामन्त्रीहरु हरिहर शर्मा, प्रेम जोशी, ललिता सुनार, कोसाध्यक्ष शिव रिमाल, नेपाली काँग्रसका जिल्ला सभापती हरिबहादुर घले, सचिव नन्द्रप्रसाद न्यौपाने, क्षेत्रिय सभापतीहरु धिरन थापा, गोबिन्द गुरुङ, महासमिति सदस्य राजनराज पन्त, गोरखा नगरसभापती चन्दनबाबु खत्री, पालुंटार नगरसभापती दिपकबाबु कंडेल, नेबिसंघका जिल्ला स्थित केन्द्रिय सदस्यहरु लगायतले मन्तव्य राखेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए