गोरखा समाचारदाता
भूकम्प गएको लामो समयसम्म अलपत्र परेको एक विद्यालय भवन निर्माण भएको छ । बारपाक सुलिकोट गाउँपालिका ३ स्वाँराको माझथर माविमा ठेकेदारले भवन निर्माण अलपत्र पारेपछि ठेक्का रद्द गरी निर्माण समिति मार्फत काम सम्पन्न गरिएको हो । २०७३ साल पुसमा शिलन्यास भएको विद्यालय भवन ठेकेदारको लार्पवाहीका कारण अलपत्र परेको विषयम गोरखा समाचारले समाचार प्रकाशन गरेको थियो । सेभ द चिल्डेनको साझेदारीमा स्वाँरा सघन गाउँबिकास केन्द्रले निर्माण गर्ने भनिएको उक्त भवनमा ठेकेदारको लार्पवाही देखिए पछि एन बि कन्ट्रसनसँगको ठेक्का रद्द गरी निर्माण कार्य अगाडी बढाइएको थियो ।
करिब २ करोड ५० लाख लागतमा निर्माण सम्पन्न भएको १२ कोठ पक्की भवनको बिहीबार एक कार्यक्रमका विच बारपाक सुलिकोट गाउँपालिकाका अध्यक्ष विष्णु भट्टले उद्घाटन गरेका हुन् । कार्यक्रममा जिल्ला आयोजना कार्यान्यवन इकाइ शिक्षाका प्रमुख रामप्रसाद आर्चाय, स्वाँरासघन गाउँविकास केन्द्रका कार्यकारी निर्देशक सिताराम श्रेष्ठ लगायतले मन्तव्य राखेका थिए । सोही अवसरमा जिल्ला आयोजना कार्यालयको पहलमा निर्माण हुन लागेको ४ कोठे भवनको शिलन्यास समेत गरिएको विद्यालयका शिक्षक रामकृष्ण ढकालले जानकारी दिए ।
यसैविच ५६० विद्यार्थी रहेको उक्त विद्यालयमा प्लस टु कक्षा सञ्चालनको आवश्यकता रहेको अभिभावकहरुले बताएका छन् । सो क्षेत्रका विद्यार्थीहरु प्सस टु पढ्नका लागि २ घण्टा भन्दा बढि समय लगाएर हिमालय मावि सौरपानी आउनु पर्ने बाध्यता छ । सोही समस्यालाई मध्येनजर गर्दै स्थानीय गममायाँ तमाङले प्लस टु कक्षा सञ्चालनको लागि सहयोगार्थ १ लाख १ सय आर्थिक सहयोग समेत गरेकी छिन् ।
