- विस्तृत विवरण भने आउनै बाँकी
कैलासबावु श्रेष्ठ/गोरखा
पौष ११ गते । जिल्लाको उत्तरी क्षेत्रमा रहेको सामागाउँको जंगलमा भएको आगलागि ३ दिन पछि नियन्त्रणमा आएको छ । आगो आईतबार बिहान ११ बजे देखी लागेको थियो । मंगलबार साँझ ५ बजे तिर मात्र नियन्त्रणमा आएको मनास्लु संरक्षण क्षेत्र आयोजनामा आयोजना प्रमुख नरेन्द्र लामाले जानकारी दिएँ ।
उच्च हिमाली क्षेत्र र बिहान १० बजे पछि तिब्र गतिमा चल्ने हावाका कारण स्थानियले आगो लागि भएको ५४ घण्टा पनि मात्र नियन्त्रणमा लिन सफल भएको हो । गएको आईतबार अर्थात पौष ८ गते बिहान विदेशी पर्यटकलाई पथ प्रदशकका रुपमा लिएर गएका धादिङ्ग जिल्ला घर भएका सुवास पोखरेलले पिएको चुरोटको बाँकी भाग जंगलमा फाल्दा आगलागि शुरु भएको थियो ।
आगोले के कति जंगल क्षेत्र र बन्य जन्तुलाई हानी नोक्सानी पुरयाएको छ भन्ने कुरा अझै यंकिन हुन नसकेको आयोजना प्रमुख लामाले बताए । आगोकै कारण सोमबार मात्रै दुलर्भ ५ कस्तुरी मरेको जानकारी आएको भएता पनि थप क्षेतिको बिषयमा भने जानकारी पाउन नसकिएको उनले बताए ।
आगो नियन्त्रणमा लागि आईतबार देखी २ जना भन्दा बढी स्थानिय दिनरात जंगलमा खटीएका थिए ।
उच्च हिमाली क्षेत्र अति विकट भौगोकि बनावट तथा सञ्चारको पुरा सुविधा नभएका कारण सबै विवरण पाउन कठिन भएको हो । गोरखा सदरमुकामबाट ५२ कोष उत्तरमा रहेको उत्त गाउँ पुग्न मात्रै सदरमुकाम देखी ५ देखी ७ दिनको पैदल दुरी तय गनुपर्ने बाध्यता रही आएको छ ।
स्थानियले दाउरा संकलनका लागि समेत प्रतिबन्ध लगाएको उत्त जंगलमा आगलागि भए पछि बहुमुल्य जडिबुटी तथा हिमाली क्षेत्रमा पाउने दुलर्भ थार, झारल, घोरल, मृग तथा डाँफे मुनाल संकटमा परेको अनुमान गरीएको छ ।
आगोकै कारण बिरेन्द्र तालवरपर रहेको जंगलमा भएको भोजपत्र, धुपी र धुपी सल्लो नष्ट भएको छ । आगो पुर्ण नियन्त्रणमा आएको भनिएता पनि हावाका कारण पुनःआगलागि होला भनेर केही स्थानिय अहिले पनि सोही जंगलमा नै निगरानीमा बसेका छन ।
पोखरेललाई प्रहरीले नियन्त्रणमा लिएको छ । आवश्यक अनुसन्धान पछि दोषि देखीएमा पक्राउ परेको पोखरेललाइ राष्ट्रिय निकुन्ज ऐन बमोजिम बिगोको दोब्बर जरिबाना र १ बर्ष कैद सजाय हुने मनास्लु संरक्षण क्षेत्र आयोजना गोरखाका प्रमुख नरेन्द्र लामाले जानकारी दिए ।
आगलागि भएका क्षेत्र चुमनुब्री गाउँपालिकाको वडा नम्बर १ मा पर्दछ ।
