- आगो नियन्त्रण बाहिर
- आगोमा परेर ५ कस्तुरी मरे
कैलासबावु श्रेष्ठ/गोरखा
पौष ९ गते । गोरखा जिल्लाको उत्तरमा रहेको सामागाउँको जंगलमा आगलागि भएको छ । आगो आईतबार बिहान ११ बजे देखी लागेको हो । आगो सोमबार दिउसो सम्म पनि नियन्त्रणमा आउन सकेको छैन ।
उच्च हिमाली क्षेत्र र तिब्र गतिको हावाका कारण आगो लागि भएको २४ घण्टा बिति सक्दा पनि आगो नियन्त्रणमा लिन नसकिएको मनास्लु संरक्षण क्षेत्र आयोजनामा आयोजना प्रमुख नरेन्द्र लामाले जानकारी दिए ।
लामाका अनुसार धादिङ्ग जिल्ला घर भएका सुवास पोखरेललाई नियन्त्रणमा लिएर अनुसन्धान जारी राखीएको छ । पोखरेलले हिजै आफुले खाएको चुरोटको बाँकी भाग फाल्दा आगलागि हुन गएको स्विकार गरेको लामाले बताए । पोखरेललाई सामागाउमा रहेको प्रहरीलाई जिम्मा लगाइएको छ ।
आयोजना प्रमुख लामाका अनुसार आगोलाई नियन्त्रणमा लिनका लागि अहिले उत्र क्षेत्रमा अग्नि रेखा बनाउन स्थानिय र आयोजनाका कर्मचारीहरु खटीएको बताए ।
आगलागि भएको बिरेन्द्र ताल नजिकैको जंगल
स्थानिय जनताले दाउरा संकलनका लागि प्रतिबन्ध लगाएको उत्त जंगलमा आगलागि हुदा नजिकै रहेको अन्य जंगलमा पनि आगो फैलिदै गएको स्थानिय मिङ्गमार लामाले टेलिफोन मार्फत जानकारी दिए । आगोले धुपी, भोजपत्र र धुपी सल्लोलाई बढी क्षेति पुरयाएको छ ।
जंगलमा आगलागि भए पछि उत्त क्षेत्रमा पाउने दुलर्भ ५ वटा कस्तुरी समेत मृत्त भेटीएको छ । आगो लागे लगत्तै कस्तुरी भाग्न खोज्दा आगोको लप्कामा परेको आफुहरुले देखेको स्थानिय मिङ्गमार लामाले बताए ।
आगोल हाल सम्म कति क्षेत्रफल सखाप पारयो भन्ने कुरा यंकिन गर्न नसकिएको भन्दै सरकारी निकाय बाट आगो नियन्त्रणका लागि कुनै प्रयास नभएकोमा सामागाउँका वडाध्यक्ष बिरबहादुर लामाले दुखेसो पोखे । वडाध्यक्ष लामाका अनुसार मानिसले आगो निभाउन सक्ने कुनै संभावना नै छैन । हेलिकप्टरबाट पानी हाल्न सकेको खण्डमा मात्र आगो नियन्त्रणमा आउने उनको दावी छ ।
यता जिल्ला प्रशासन कार्यालय गोरखाका प्रमुख जिल्ला अधिकारी गजेन्द्र बहादुर श्रेष्ठका अनुसार गृह मन्त्रालयमा सबै जानकारी गराई सकिएको बताए । हामीले जहाँ भन्नु पर्ने र जे गनुपर्ने सबै गरेका छौ तर पनि भुगोलका कारण आगो नियन्त्रणमा समस्या आएको उनको भनाई थियो ।
उत्तरी गोरखाको सामागाउँ क्षेत्रमा रहेको भोजपत्रको जंगल
उत्त क्षेत्रमा लागेको आगो नियन्त्रणका लागि सामागाउँ, लार्के भन्सार र सिर्दीबास बाट प्रहरी परिचालन गरी सकिएको जिल्ला प्रहरी कार्यालय गोरखाका प्रहरी उपरिक्षक भोला बहादुर रावलले जानकारी दिए ।
आगो नियन्त्रणकै लागि अहिले सामागाउँका २ सय जना भन्दा बढी स्थानियले प्रयास गरी रहेका छन । आगोलागि भएको क्षेत्र सामागाउँको बिरेन्द्र ताल क्षेत्र हो ।
पक्राउ परेको पोखरेलको अभियोग प्रमाणित भए राष्ट्रिय निकुन्ज एैन बमोजिम बिगोको दोब्बर जरिबाना र १ बर्ष कैद सजाय हुने मनास्लु संरक्षण क्षेत्र आयोजना गोरखाका प्रमुख नरेन्द्र लामाले जानकारी दिए ।
माथिका सबै तस्बिर बिनाशकारी भूकम्प अगाडीका हुन ।
तस्बिर कैलासबावु श्रेष्ठ
