कैलासबावु श्रेष्ठ/गोरखा
पौष २ गते । गोरखा जिल्लाको ११ स्थानिय तहको अधिकाश वडा कार्यालय सचिव विहिन हुदाँ काममा समस्या आएको छ ।
वडा सचिव नभए पछि उनले गर्ने काम स्थानिय तहले अन्य कार्यालयबाट स्थानिय तहमा सरुवा भई आएका सरकारी कर्मचारीलाई लगाउनु पर्ने बाध्यता रही आएको छ । स्थानिय स्तरमा आउनु पर्ने सचिव नआउने अनि अन्य कामको लागि आएका सरकारी कर्मचारीलाई सचिवको जिम्मेवारी दिदाँ झनै काममा समस्या आएको गाउ पालिका प्रमुखहरुले गुनासो गर्न थालेका छन ।
अझै केही गाउँ पालिकाहरुले त १ जना सचिव बाट धेरै वडा हेनुपरेको भन्दै काममा समस्या आउन थालेको बताए । गोरखा सदरमुकामको छेवैमा रहेको सिरानचोक गाउँ पालिकामा समाचार तयार पार्दा सम्म ३ जना मात्र वडा सचिव छन । उनीहरुले आफ्नो वडाका साथै थप अन्य वडाको जिम्मेवारी सम्हाल्दै आएका छन । ८ वटा मात्र वडा रहेको सिरानचोकमा १ जना सचिवले २ वटा वडा कार्यालयको काम गरी रहेका छन भने बाँकी २ जनाले ३÷३ वटा वडा कार्यालयको काम गरी रहेका छन ।
त्यस्तै गरी अजिरकोट गाउँ पालिकालमा वडा सचिव नै नभएको ७ महिना बित्यो । सचिव हुदाँ उनले गर्ने काम स्वास्थ्य चौकी प्रमुखलाई गाउँ पालिकाले जिम्मेवारी त दिएको छ तर उनले गर्ने स्वास्थ्यको काम भने प्रभावित हुन थालेको गाउँ पालिकाले जानकारी दिएको छ ।
गोरखाकै दुर्गम उत्तरी क्षेत्रमा रहेको चुमनुब्री गाउँ पालिकामा पनि ७ वटा वडा कार्यालय ३ जना सचिवले धानी रहेका छन । निकै दुर्गर विकट मानिने उत्त क्षेत्रको एउटा गाउँबाट अर्को गाउँ पुग्न मात्रै पनि १ दिनको पैदल दुरी हिडनुपर्ने बाध्यता छ ।
चुमनुब्रीमा पनि २ जना सचिवले २÷२ वडा र १ जना सचिवले ३ वटा वडा हेर्दै आएका छन । सचिवहरु धेरै वडाको काम हेनु पर्दा काममा समस्या आएको र सर्व साधारणको गुनासा संबोधन गर्न हम्मे हम्मे परेको बताउछन ।
त्यस्तै गरी उत्तरी क्षेत्रकै धार्चे गाउँ पालिकाले पनि त्यस्तै समस्या ब्यहोरी परेको छ । धार्चेमा रहेको ७ वटा वडाका लागि आज सम्म ४ जना सचिव कार्य क्षेत्रमा छन । धार्चेमा पनि २ जना सचिवहरुले २÷२ वटा वडा हेरी रहेका छन । धार्चे गाउँ पालिकाको वडा नम्बर ६ भने आरुघाट गाउ पालिकाका सचिवले सहयोग गर्दै आएको छ ।
उत्तरी क्षेत्रमा नै पर्ने बारपाक सुलिकोट गाउँ पालिकाले पनि दरबन्दी अनुसारको सचिव पाउन सकेको छैन । यस गाउँ पालिकामा पनि ८ वटा वडा छन । यहाँ ४ जना मात्र सचिव छन । भएका सचिव मध्ये पनि सुत्केरी भए पछि बिदामा बसेको सचिवका कारण ३ जनाले अहिले पुरै गाउँ पालिकाको काम धानी रहेका छन ।
त्यस्तै गरी शहिद लखन गाउँ पालिकामा ९ जना मध्ये ६ जना, १० वटा वडा रहेको आरुघाट गाउँ पालिकामा ५ जना, ८ वटा वडा रहेको भिमसेन थापा गाउँ पालिकामा ३ जनाले काम चलाई रहेका छन भने गण्डकी गाउँ पालिकामा ८ वटा वडामा ४ जनाले मात्र काम गरी रहेका छन ।
सरकारी नियम अनुसार सरकारी कर्मचारीहरुले मात्र पञ्जिकरणको काम गर्न पाउछन । त्यस्ता कामका लागि गाउँ पालिका तथा नगरपालिकाले करारमा अन्य कर्मचारीहरु राख्न निषेध गरीएको छ । सरकारी कर्मचारी कार्य क्षेत्रमा नआउने अनि अन्य कर्मचारी राखेर काम लगाउन नपाउदा जिल्लाको सबै स्थानिय तहलाई समस्या परी रहेको हो ।
यस तर्फ चाढै नै राजनैतिक दलहरुले चासो नराख्ने र सरकारी संयन्त्रले उचित संवोधन गर्न नसकेको खण्डमा गोरखा जिल्लाको बिकास निर्माणमा यसले सिधै असर देखाउने पक्का छ ।
जिल्लामा रहेको २ वटा नगरपालिका मध्ये गोरखा नगरपालिका र पालुङ्गटार नगरपालिकाले पनि सबै वडामा सचिव खटाउन सकेको छैन । कम्प्युटर अपरेटर, सामाजिक परिचालक र पहिले देखि काम गर्दै आएका केही कर्मचारीलाई करार थप गरी नगरपालिकाले वडा कार्यालय सञ्चालनमा ल्याई रहेको छ ।
जिल्लामा अहिले ९४ वडा मध्ये आधा भन्दा बढि सचिव बिहिन छन् ।
