गोरखा समाचारदाता
पौष २ गते । गोरखा जिल्लामा पहिलो पटक नेवारहरुको पत्रकार समिति गठन भएको छ । सदरमुकाममा नेवार सञ्चारकर्मीहरुको एक भेलाले ‘नेवा पत्रकार दबु गोरखा’ गठन गरेको हो ।
नव गठित समितिको संयोजकमा मनास्लु एफ.एम.का स्टेशन म्यानेजर तथा राष्ट्रिय समाचार समितिका जिल्ला संवाददाता दिपक श्रेष्ठ (जलन) रहेका छन भने सचिवमा रेनु श्रेष्ठ र कोषाध्यक्षमा मनोज श्रेष्ठ सर्व सम्मत चयन भएका छन । त्यस्तै गरी सदस्यहरुमा आत्माराम श्रेष्ठ र विमल श्रेष्ठ चयन भएको संयोजक श्रेष्ठले बताएँ ।
भेलाले २ सदस्य सल्लाहाकर समिति समेत चयन गरेको छ । जसमा नेपाल पत्रकार महासंघ गण्डकी प्रदेश सदस्य सुशिलबावु श्रेष्ठ (कैलास) र नेपाल पत्रकार महासंघ गोरखा शाखाका निर्वतमान अध्यक्ष भिमलाल श्रेष्ठ चयन भएको समितिले जानकारी दिएको छ ।
भेलाले नेवार सञ्चारकर्मीहरुको क्षमता अभिबृद्वीको लागि विभिन्न कार्यक्रम सञ्चालन गर्ने समेत निर्णय गरेको छ ।
