गोरखा समाचारदाता
जिल्लाको शहिद लखन गाउँपालिकाको विभिन्न स्थानमा निर्मित खानेपानी आयोजनाको उद्घाट गरिएको छ । स्वाँरा सघन गाउँ विकास केन्द्र गोरखाद्धारा रयाले इन्टरनेशनल सँगको साझेदारीमा निर्माण भएका ६ वटा खानेपानी तथा सरसफाई आयोजनाको एक कार्यक्रमका वीच उद्घाटन गरिएको हो । अन्तराष्ट्रिय नागरिक सेवा परियोजना अन्र्तगत शहिद लखन गाउँपालिकाको वडा नम्बर ९ स्थित साबिकको गाबिसमा उक्त आयोजनाहरु निर्माण गरिएको स्वाँरासघन गाउँबिकास केन्द्रका द्रोणचार्य तिमिल्सीनाले बताए । उक्त खानेपानी आयोजना उद्घाटन गर्दै गाउँपालिका अध्यक्ष रमेश थापामगरले बनेका संरचना दिगो राख्न आग्रह गरेका थिए ।
धुसेनी खानेपानी तथा सरसफाई उपभोक्ता समितिका अध्यक्ष ऋषिराम ढकालको अध्यक्षता, शहिद लखन गाउँपालीकाका अध्यक्ष रमेश थापामगरको प्रमुख आतिथ्यतामा भएको कार्यक्रममा कटुसे खानेपानी तथा सरसफाई योजनाका अध्यक्ष दिपक पाण्डे, जनशक्ति मा.वि.का प्र.अ. चिरन्जीवी काप्री, समाजसेवी भुमीनन्द ढकाल, स्वाँरा सघन गाउँ विकास केन्द्रका कार्यकारी निर्देशक सीताराम श्रेष्ठ, शहिद लखन गा.पा. वडा नं. ९ का अध्यक्ष रामप्रसाद लामिछाने लगायतले मन्तव्य राखेका थिए । ३६ लाख ४३ हजार ३९९ रुपैया लागतमा उक्त खानेपानी आयोजना निर्माण गरिएको हो । खानेपानी आयोजना बनेपछि ३३० घरधुरी र एक विद्यालयमा स्वच्छ खानेपानीको पहुँच अभिवृद्धि भएको छ ।
खानेपानी योजना निर्माणका लागि बेलायती तथा नेपाली स्वमसेवकले पाइपलाई खन्ने पुर्ने लगायतका कार्यमा श्रमदान गरेका थिए । परियोजनाले यस अवधिमा शहिद लखन ९ मा ६ वाट खानेपानी योजना निर्माणका साथै १५० घरमा व्यवस्थीत हात धुने स्थल निर्माण र केहि घरमा शौचालय निर्माणमा समेत निर्माण गरिदिएको छ ।
