कैलासबावु श्रेष्ठ/गोरखा
मंसिर २५ गते । गोरखाको झल्लामा रहेको झल्ला भुमे मन्दिरको पुनःनिर्माण हुने भएको छ । ०७२ साल बैशाखमा आएको बिनाशकारी भूकम्पले कामै नलाग्ने गरी क्षेति पुरयाए पछि मन्दिरको पुनःनिर्माण गर्न लागिएको हो ।
मन्दिरको पुनःनिर्माणका लागि गण्डकी प्रदेशका उद्योग, बन तथा बातावरण मन्त्रि बिकास लम्सालले एक कार्यक्रम बिच शिलान्यास समेत गरी सकेका छन ।
अजिरकोट गाउँ पालिका ४ मा रहेको उत्त मन्दिर पुनःनिर्माणका लागि १ करोड ५० लाख लाग्ने अनुमान गरीएको भुमे जनकल्याण समाजका सचिव सुशिल दवाडीले बताए ।
मन्दिर संगै कार्यालय भवन, बनभोज स्थल, पाटीपौवा, प्रवेशद्वार, बगैचा र पुजा सामाग्री बिक्री स्थल समेत निर्माण हुने दवाडीले बताए । त्यस बाहेक हरीयालीका लागि बृक्षारोपण, टेवा पर्खाल र तटबन्धनको समेत निर्माण हुने छ ।
मन्दिर निर्माणका लागि अजिरकोट गाउँ पालिकाले हाललाई १० लाख रुपैयाँ बिनियोजन गरी सकेको छ भने स्थानिय स्तरबाट २० लाख भन्दा बढी चन्दा संकलन भै सकेको भुमे जनकल्याण समाजले जानकारी दिएको छ ।
किबदन्ती अनुसार खेत जोत्ने क्रममा हलोको फाली ढुङ्गामा अडकीएको र रगत आएको देखी हेर्दा भुमे देवता प्रकट भएको जन विश्वास रही आएको छ ।
प्रत्येक बर्षको मंसिर पुर्णीमाको दिनमा उत्त मन्दिर परिषरमा मेला लाग्ने गर्दछ भने सोमबार तिर्थालुहरुले पुजा गर्ने गर्दछ ।
र यो पनि……………………………………………
श्री भूमे जनकल्याण समाजद्वारा निर्माण गरिएको वृत्तचित्र