मोहसिन अलि मियाँ/गोरखा
मंसिर २५ गते । बिभिन्न कार्यक्रम गरी गोरखामा ७० औं अन्तराष्ट्रिय मानवअधिकार दिवश मनाइएको छ । हरेक वर्षको १० डिसेम्बरमा अन्तराष्ट्रिय मानव अधिकार दिवस मनाईन्छ । सन् १९४८ मा संयूक्त राष्ट्रसंघको महासभाले मानव अधिकार घोषणपत्र पारित गरेको एतिहासिक दिवसको सम्झना स्वरुप यो दिवस मनाइने गरिन्छ । दिवशका अवसरमा मानवअधिकार तथा शान्ति समाज गोरखाले सदरमुकाममा छलफल कार्यक्रम सम्पन्न गरेको छ । परिवर्तित सन्दर्भमा मानवअधिकार बिषयक छलफल कार्यक्रममा बोल्ने अधिकांश वक्ताहरुले पछिल्लो समय जिल्लामा मानवअधिकार उल्लंघनका घटना बढ्दै गएको प्रति चिन्ता ब्यक्त गरेका छन् ।
समाजका जिल्ला सभापति विश्वनाथ वाग्लेको अध्यक्षतामा भएको कार्यक्रममा गोरखा नगरपालिकाका उपप्रमुख विनाकुमारी श्रेष्ठको प्रमुख आतिथ्यता रहेको थियो । कार्यक्रममा जिल्लामा मानवअधिकारको अवस्था र चुनौती, कानुनी ब्यवस्था लगायतका बिषयमा समाजका पूर्व केन्द्रिय कोषाध्यक्ष एवम नागरिक साझा सवालका संयोजक स्थानेश्वर दुवाडीले कार्यपत्र प्रस्तुत गरेका थिए ।
कार्यक्रममा समाजका केन्द्रिय सदस्य श्यामप्रसाद लामिछाने, शिक्षक महासंघका जिल्ला सहअध्यक्ष राजन कट्टेल, जिल्ला प्रशासनका कार्यालयका प्रशासकिय अधिकृत गौतम भण्डारी, नगरपालिकाका शिक्षा शाखा प्रमुख सुवास आचार्य, पत्रकार महासंघ गोरखाका अध्यक्ष किशोरजंग थापा, निवर्तमान अध्यक्ष भिमलाल श्रेष्ठ, गोरखा नगरपालिका ८ का वडाध्यक्ष कृष्ण बहादुर खत्री, शहिद लखन गाउँपालिका ७ का वडाध्यक्ष काशीनाथ अम्गाई, महिला मानवअधिकार रक्षक संजालकी संयोजक सावित्री भट्ट लगायतले मानवअधिकारका बिषयमा आ–आफ्ना धारणा ब्यक्त गरेका थिए ।
त्यस्तै दिवशकै अवसरमा मानवअधिकार संजालले पनि सदरमुकाममा शुभकामना आदानप्रदान सम्पन्न गरेको छ । संजालका संयोजक यदु अधिकारीको अध्यक्षतामा भएको कार्यक्रममा धार्चे गाउँपालिकाका प्रमुख सन्तोष गुरुङ्गको प्रमुख आतिथ्यता रहेको थियो । कार्यक्रममा एम्नेष्टी इन्टरनेशनल समुह ७६ रमेश अधिकारी, गोरखा क्याम्पसमा पूर्व प्रमुख भिम वस्ती, जेष्ठनागरिक संघका जिल्ला अध्यक्ष मोहनलाल श्रेष्ठ, काहुराष्टका अध्यक्ष किशोर रेग्मी, ट्रान्फरेन्सी इन्टरनेशनलका जिल्ला प्रमुख कमला राना लगायतले बोलेका थिए ।
दिवशकै अवसरमा एम्नेष्टी इन्टरनेशनल महिला समुह ४२ र समुह ७६ को आयोजनामा सदरमुकाममा प्रभातफेरी सम्पन्न भएको छ । मानवअधिकार र लैंगिकहिंशा नारा लेखिएका बिभिन्न प्लेकार्डहरु सहित भएको प्रभातफेरी गोरखा नगरपालिका ८ पेट्रोलपम्पबाट सूरु भई प्रतिक्षालय, हरमटारी, कालीमाटी, शक्तिचोक हुदे बसपार्कमा पुगी कोणसभामा परिणत भएको थियो । कोणसभामा एम्नेष्टी ७६ का रमेश अधिकारी, महिला समुह ४२ की संयोजक विमला वाग्ले, सचिव सविना पोखरेल, भगवती कडेंल लगायतले मन्तब्य राखेका थिए । कार्यक्रम लोकतान्त्रिक महिला समाज र संकल्प नामक संस्थासंगको समन्वयमा भएको सचिव पोखरेलले बताइन ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए