गोरखा समाचारदाता
गणेश माध्यामिक विद्यालय थुमिको भवन निर्माण सम्पन्न भएको छ । आरुघाट गाउँपालिका वडा नम्बर ४ थुमिको नवनिर्मित ८ कोठे भवन विद्यालयलाई हस्तान्तरण गरिएको छ ।
गुड नेर्वस इन्टरनेशनलको आर्थिक तथा प्राविधिक सहयोगमा पद्धती बिकास सेवाकेन्द्रले लैगिंक मैत्री शौचालय, विज्ञान, कम्प्युटर प्रयोगशाला, विद्यालय घेराबार, खानेपानी, शौचालय सहितका पूर्वाधारहरु निर्माण गरिदिएको हो ।
निर्माण भएका उक्त संरचनाहरु एक कार्यक्रमका विच गुडनेर्वस इन्टरनेलका कार्यक्रम निर्देशक ईश्वरमान श्रेष्ठले गाउँपालिका अध्यक्ष पुर्ण बहादुर दाहाललाई विद्यालय हस्तान्तरण गरका हुन् ।
२ करोड ६१ लाख २८ हजार २२४ रुपैयामा उक्त संरचना निर्माण सम्पन्न भएको पद्धती विकास केन्द्रका लघु बिकास अधिकृत सुनिल पोखरेलले जानकारी दिए ।
भूकम्पले विद्यालय भवन भत्काएपछि अस्थायी टहरमा पढिरहेका २६१ जना विद्यार्थी अब सुविधा सम्पन्न कक्षाकोठामा पढ्न पाउने भएका छन् । भवन लगायत अन्य संरचना बनेपछि पठनपाठनमा थप सहयोग पुग्ने विश्वास विद्यालयले लिइएको छ ।
