कैलासबावु श्रेष्ठ/गोरखा
मंसिर १२ गते । गोरखाको मनकामना मन्दिरमा आज देखी सर्व साधारणको लागि खुल्ला गरीएको छ ।
०७२ बैशाख १२ गते आएको बिनाशकारी भूकम्पले पूर्ण रुपमा क्षेति पुरयाए प छि जिर्णोद्वार थालीएको मन्दिरको ४४ महिना अर्थात ३ बर्ष ८ महिना पछि बुधबार देखी सर्व साधारणको लागि खुल्ला गरीएको हो ।
दशै अगाडी नै मन्दिरको निर्माण कार्य सकिए पनि केही काम बाँकी भएको भन्दै सर्व साधारणलाई खुल्ला गरीएको थिएन । सर्व साधारणले मन्दिर बाहिर प्राङ्गणमा स्थापित मनकामना माताको प्रतिमालाई पुजा गरेर फर्कनुपर्ने बाध्यता रहेको थियो ।
मनकामना मन्दिर खुले संगै तिर्थयात्रीहरुले खुशी ब्यक्त गरेका छन ।

मन्दिर सर्व साधारणलाई खुल्ला गर्न पाएकोमा मनकामना मन्दिरका मुल पुजारी ईन्सान बहादुर थापाले समेत खुशी ब्यत्त गरे । मुल पुजारी थापाका अनुसार मन्दिरको दश कर्म बाँकी नै भएता पनि भक्तजनलाई मन्दिर भित्रै बाट पुजा खुल्ला गरीको हो । मन्दिरको अन्य धार्मिक कार्य भने आउदो फागुनमा गरीने बताए ।
मन्दिर जिर्णोद्वार समितिका संयोजक नरेन्द्र श्रेष्ठले पनि केही काम बाँकी राखेरै भए पनि मन्दिर सर्व साधारणलाई खुल्ला गर्न पाएकोमा खुशी ब्यक्त गरे । श्रेष्ठका अनुसार मन्दिरको धार्मिक कार्यलाई आउदो केही महिना भित्रै गर्ने गरी सर्व साधारणलाई आजै देखी मन्दिर खुल्ला गरीएको बताए ।
मन्दिर जिर्णोद्वारमा १४ करोड भन्दा बढी खर्च भएको छ । मन्दिरमा राखीएको छानामा मात्रै १८ किलो २ सय ग्राम सुन खर्चिएको समितिले जानकारी गराएको छ ।

१९९० सालको भूकम्प पछि पश्चिम तर्फ ढल्कीएको मन्दिरलाई ०७२ सालको गोरखा भूकम्पले कामै नलाग्ने गरी क्षेति पुरयाएको थियो । मन्दिर जिर्णोद्वार गर्न ०७१ साल फागुनमा क्षमा पुजा गरीएको थियो भने ०७२ जेष्ठ महिनामा गजुर पुजा गरीएको थियो ।
गजुर पुजा संगै मन्दिर भत्काउने कार्यको थालनी भएको र ०७२ साल साउन ६ गते जग पुजा गरेर मन्दिरको जिर्णोद्वार कार्यको थालनी गरीएको थियो ।
तात्काली राजा रामशाहको पालामा निर्माण भएको अनुमान गरीएको उत्त मन्दिर ३ सय ५० वर्ष भन्दा पुरानो मानिन्छ । नेपालकै चर्चित मनकामना मन्दिरमा वर्षेनी करिब ३० लाख भन्दा बढी भक्तजनहरुले दर्शन गर्ने गरेको गर्दछ ।
२० वर्ष अघि केबलकार निर्माण भएपछि दर्शनार्थीको संख्यामा उल्लेख्य वृद्धि भएको छ । मनकामना भगवतीको दर्शन पछि मनले ताकेको पुग्ने जनविश्वास अनुसार नेपाल सहित छिमेकी मुलुक भारत अन्य देशका समेत हिन्दु धर्मावलम्बीहरुको मनकामना आउने गर्छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए