नरेन्द्र ढकाल/गोरखा

मंसिर ६ गते । गण्डकी प्रदेशका मुख्यमन्त्री पृथ्वीसुब्बा गुरुङले सरकारको समिक्षा गर्ने बेला भइनसेको बताएका छन् ।

जिल्लाको गण्डकी गाउँपालिका वडा नम्बर ८ घ्याल्चोकमा भएको प्रथम मुन्थला धार्मिक तथा पर्यटन महोत्सवको उद्घाटन गर्दैै उनले बिकास चरणबद्ध प्रक्रिया भएको भन्दै अहिले नै केही भएन भने नआत्तिन आग्रह गरेका हुन् । ‘अहिलेको चिन बन्न ४० वर्ष लाग्यो, सिंगापुर ६० वर्षमा त्यस्तो बनेको हो’ उनले भने ‘हाम्रो यहाँ ४० दिनमा काम भएन भनेर चिन्ता गर्नुपर्ने कुनै कुरा छैन् ।’ सरकार बनेको पहिलो वर्ष बिकास निर्माणका काम प्रयाप्त नभएपनि अब तिब्रता लिने उनको भनाई छ ।

त्यसको संकेत देखा पर्न थालिसकेको गुरुङले दाबी गरेका छन् । ‘देशका ७५३ वटै स्थानीय तह आर्थिक बिकासका केन्द्र हुन’ उनले भने ‘त्यहाँबाट बिस्तारै बिकासको लहर सुरु भएको छ ।’ अबको ५ वर्ष भित्र तिनै तहका सरकारले देशलाई समृद्ध बनाउने उनलको भनाई छ ।समृद्धी र बिकास अहिलेको मुख्य एजेण्डा भएको भन्दै मुख्यमन्त्री गुरुङले केन्द्र, प्रदेश र स्थानीय सरकार सबै बिकासकै काममा लागि परेको दाबी गरे । सोही अनुरुप प्रदेश सरकारले पनि आफ्ना गतिविधि अगाडी बढाएको उनको भनाई छ । ‘गाउँको बिकासका लागि थुप्रै काम गर्ने प्रदेश सरकारको योजना छ’ उनले भने ‘कृषि, पर्यटन, पूर्वाधार बिकास कामहरु हाम्रो प्राथमिकतामा छन् ।’

प्रथम मुन्थला धार्मिक तथा पर्यटन महोत्सव आयोजक समितिका संयोजक भिम श्रेष्ठकोमा भएको कार्यक्रममा गण्डकी प्रदेशका भौतिक पूर्वाधार बिकास मन्त्री रामशरण बस्नेत, गण्डकी प्रदेश सभा सदस्य हरिशरण आर्चाय, गाउँपालिका अध्यक्ष होमबहादुर राना, वडा अध्यक्ष रामप्रसाद रेग्मी लगायतले मन्तव्य राखेका थिए । उक्त क्षेत्रको कला संस्कृती, र धार्मिक धरोहरलाई उजागर गर्न उदेश्यले आयोजना गरिएको महोत्सवमा स्थानीय कलासस्कृति झल्कने खालका विभिन्न प्रस्तुतिहरु रहेको आयोजक समितिका संयोजिक भिम श्रेष्ठले जानकारी दिए ।

बुढीगण्डकी जलविद्युत आयोजनाको उद्गम स्थल समेत मानिएको यस क्षेत्रमा विगतदेखि नै मुन्थाला जात्रा हुने गरेको उनको भनाई छ । सोही जात्रालाई व्यवस्थित गरी यस वर्ष महोत्सवको स्वरुप दिईएको हो । महोत्सवकै अवसर पारेर घ्याल्चोकको बेनीगाउँका १० घरबाट होमस्टे सुरु गरिएको छ । मुन्थाला, मनकामना देवीको कान्छी बहिनीको रहेको किम्वदन्ती छ ।

दुई दिनसम्म चल्ने महोत्सवमा दौड प्रतियोगिता, नृत्य प्रतियोगिता, साँस्कृतिक कार्यक्रम, राष्ट्रिय तथा स्थानीय कलाकारहरुको प्रस्तुती लगायतका कार्यक्रम सञ्चालन भइरहेको आयोजकले बताएको छ । महोत्सव आयोजना गर्न झण्डै २३ लाख रकम खर्च लाग्ने अनुमान गरिएको छ । महोत्सव आयोजना हुने स्थल बेनीघाटबाट झण्डै १२ किलोमिटरको दुरीमा पर्छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए