कैलासबावु श्रेष्ठ/गोरखा
मंसिर ५ गते । गोरखा जिल्लामा गएको ११ महिनामा १७ बलात्कारको घटना घटेको प्रतिवेदनले देखाएको छ । अनौपचारिक क्षेत्र सेवा केन्द्र (इन्सेक) गोरखाले सदरमुकाममा एक प्रतिवेदन सार्वजनिक गर्दै गएको ११ महिनामा बालबालिका तथा महिला बिरुद्व हुने बलात्कारको १६ घटना भएको प्रतिवेदन सार्वजनिक गरेको हो ।
नेपाल मानव अधिकार बर्ष पुस्तक २०१९ मा समावेश गर्ने गरी गोरखा जिल्लाको विभिन्न घटनाहरु सार्वजनिक गर्ने गरी सरोकारवालाहरुको समिक्षा कार्यक्रममा इन्सेक गोरखाले उत्त प्रतिवेदन सार्वजनिक थियो ।
महिला बिरुद्व हुने त्यस्ता घटना सबै भन्दा बढी जिल्ला सदरमुकामको नगरपालिका क्षेत्र भित्र नै घटेको देखिन्छ । अग्रेजी महिनाको शुरु देखी नोभेम्बर २० तारिख सम्ममा गोरखा नगरपालिका क्षेत्र भित्र मात्रै ८ वटा घटना भएको छ । त्यस्तै गरी पालुङटार नगरपालिकामा ४ वटा घटना भएको छ भने भिमसेन थापा, अजिरकोट र सिरानचोक गाउँ पालिकामा १/१ वटा घटना र बारपाक सुलिकोट गाउँ पालिकामा २ वटा बलात्कारको घटना भएको छ ।
घटना सार्वजनिक गर्दै इन्सेक गोरखाले घटनामा ३ बर्षिया बालिका देखी २७ बर्षिया महिलाहरु पिडित भएको जनाएको छ । इन्सेक गोरखाले सार्वजनिक गरेको प्रतिवेदनमा १६ बर्ष भित्रका १३ जना बालबालिका तथा महिला र २१ देखी २७ बर्षको उमेर समूहका ४ महिला यो घटनाबाट पिडित भएको देखिन्छ ।
बलात्कारको घटना बढेको भन्दै मानव अधिकारकर्मी र पत्रकारहरुले तत्काले जनचेतना मुलक कार्यक्रम ल्याउन सरकोकार वालाहरुको माग गरेको छ । गोरखामा गत बर्ष १२ बालबालिका र ४ जना महिला गरी १६ जना माथि बलात्कार सम्वन्धी घटना भएको थियो ।
