कैलासबावु श्रेष्ठ/गोरखा
कार्तिक २९ गते । गोरखाको गण्डकी गाउँ पालिकाको घ्याल्चोकमा रहेको मुन्थला देवी मन्दिरमा पहिलो पटक महोत्सव हुने भएको छ । महोत्सव मन्दिर संरक्षण र प्रवद्र्वनमा आधारीत हुने आयोजक संस्थाले जनाएको छ ।
गण्डकी गाउँपालिका ८ को बेनी गाउँमा रहेको मुन्थला देवी मन्दिर परिषरमा प्रथम मुन्थला धार्मिक तथा पर्यटन महोत्सव २०७५ को आयोजना गरीएको महोत्सव आयोजक समितिका संयोजक भिम श्रेष्ठले बताए ।
महोत्सवका विषयमा सञ्चारकर्मीहरुलाई जानकारी दिने उद्वेश्यका साथ गोरखा सदरमुकाममा आयोजित पत्रकार सम्मेलनमा महोत्सवमा दौड, शिला लेख शिलान्यास, नृत्यु तथा विविध साँस्कृतीक कार्यक्रमका साथै विभिन्न जातजातीको झाँकीको प्रस्तुती र स्थानिय उत्पादन र खानाको बिक्री समेत गरीने संयोजक श्रेष्ठले बताए ।
मंसिर ५ र ६ गते दुई दिन सम्म हुने महोत्सवको गण्डकी प्रदेशका मुख्य मन्त्रि पृथ्वी सुब्बा गुरुङ्गले उदघाटन गर्ने गण्डकी गाउँ पालिकाका अध्यक्ष होम बहादुर रानाले पत्रकार सम्मेलनमा जानकारी गराएका थिएँ । महोत्सवका लागि २३ लाख खर्च हुने अनुमान गरीएको छ ।