कैलासबावु श्रेष्ठ/गोरखा
असोज ३० गते । परम्परा अनुसार आज गोरखा दरर्बारको दसै घरमा फुलपाती भित्राईएको छ ।
दिउसो ४ बजे गोरखा दरर्बार देखी निस्कीएको लावा लस्करको टोलीले ४ बजेर ४४ मिनेटमा फुलापाती चौताराबाट फुलपाती लगेर भित्राएको हो ।
यस अघि गोरखा दरर्बारकै दसैंघर देखी निस्कीएका भारबोक्नेहरुले हिजैराती जंगलबाट ल्याएको दारिक, बेलको पात, उखुको बोट, केराको पात, अदुवाको बोट र मौषमी फुलहरुलाई आज दरर्बार भित्राईएको थियो ।
गोरखा दरर्बारका सुसारेहरुले जम्मा गरेर फुलपाती लिन दसैं घर देखी हर्ष बढाईका साथ लावा लस्करहरु सतिपिपल डाडाँमा पुगेका थिए ।
आजै सोही स्थानबाट बिहानको साईतमा राजधानीको हनुमान ढोकामा समेत फुलपाती पठाइएको थियो ।
फुलपाती भित्राउनु पूर्व गोरखा दरर्बार देखी मङ्गलिनीहरुले मङ्गल गित र मालश्री राग गाउदै, बन्दुकेहरु हर्ष बढाई गर्दै र भारबोक्ने भारबाहकहरु फुलपानी पर्सने सिडी सम्म आई पुगेका थिए ।
सिडीमा बिशेष पूजा गरेर गोरखा दरर्बारको लागि फुलपाती लाने गरीन्छ ।
गोरखा दरर्बार भने दरर्बारबाट पश्चिम क्षेत्रमा देखीने डाडाँमा आधा घाम तल र आधा घाम माथि भएको बेला दरर्बारको दसैंघरमा फुलपाती भित्राउने चलन छ ।
