गोरखा समाचारदाता
दशै विदाको दिनमा पनि जिल्ला अदालतको विशेष सेवा खुल्ला रहने भएको छ । अदालतले मंगलबार एक सुचना जारी गर्दै सार्वजानिक बिदाको दिन बाहेक दशै बिदाको अन्य दिनमा बन्दीप्रत्यक्षीकरणको निवेदन सुनुवाई गर्ने र पक्राउ पूर्जी जारी गर्न अनुमती प्रदान गर्ने विशेष व्यवस्था खुल्ला रहने जनाएको छ । ‘दुई वटा जरुरी कामका लागि अदालत दशै विदाका दिन पनि खुल्ला हुन्छ’ श्रेस्तेदार गोबिन्द आर्चायले भने ‘सार्वजानिक बिदाका दिन भने हामी त्यो सेवा दिन सक्दैनौं ।’
नजिकिदै गरेको विजया दशमीको सन्र्दभमा यही २४ गते घटस्थापना अर्थात बुधबारबाट कार्तिक ७ गर्ने कोजाग्रत पुर्णिमासम्म दशै विदा रहेपनि न्याय प्रशासन ऐन २०७३ को दफा २६ बमोजिम बन्दीप्रत्यक्षीकरणको निवेदन सुनुवाई तथा मुलुकी फौजदारी कार्यविधि (संहिता) ऐन २०७४ को दफा ९ बमोजिम पक्राउ पूर्जी जारी गर्ने अनुमती प्रदान गर्ने विशेष व्यवस्था खुल्ला रहने छ । ‘ऐनले तोके बमोजिम यी दुई व्यवस्था दशैमा पनि खुल्ला हुन्छ’ उनले भने ‘शनिवार र दशैको टिकाको दिन सार्वजानिक विदा हुने भएकोले ती दिनमा भने उक्त सेवा दिन पनि बन्द रहने छ ।’ चाडपर्वका बेला अपराधका घटना हुन सक्ने र उक्त घटनामा संग्लन व्यक्तिहरुलाई पक्राउ गर्न अदालतले पूर्जी जारी गर्नुपर्ने भएकाले कानूनमा विदाका दिन पनि अदालत खुल्ला राख्नुपर्ने प्रावधान राखिएको छ ।
गैरकानूनी रुपमा थुनामा रहेका व्यक्तिले सार्वजानिक बिदाको दिन बाहेक जुनसुकै दिनमा पनि बन्दीप्रत्यक्षीकरणको निवदेन दर्ता गराउन सक्ने कानूनी व्यवस्था भएकाले उक्त प्रयोजनका लागि अदालत खुल्ला राख्ने गरिएको कानून व्यवसायीहरु बताउँछन् । अहिलेको नयाँ कानून अनुसार पक्राउ पूर्जी दिनका लागी पनि अदालत खुल्ला राख्नु पर्ने भएको हो । उक्त समयमा अदालयका अन्य काम कारवाही भने बन्द रहने जिल्ला अदालतका श्रेस्तेदार आचार्यको भनाई छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए