गोरखा समाचारदाता
यही अशोज २८ गते हुने नवौं लिगलिगे दौडको तयारी अन्तिम चरणमा पुगेको आयोजक लिगलिगकोट बिकास अभियानले बताएको छ । जिल्ला सदरमुकाममा पत्रकार सम्मेलन गर्दै दौडको तयारी अन्तिम चरणमा पुगेको आयोजकले बताएको छ । ‘हामी अन्तिम तयारीमा जुटिरहेका छौ’ लिगलिकोट बिकास अभियानका अध्यक्ष पुर्णबहादुर रानाले भने ‘सरसफाई र व्यवस्थापनको काम भइरहेको छ ।’
गोरखा राज्यको उत्पत्ति भएको स्थान लिगलिगेकोट दौड जितेर राजा भएको परम्परालाई बचाइराख्न लिगलिगकोट बिकास अभियानले विगत ९ वर्ष देखि दौड प्रतियोगिता गर्दै आएको छ । यसवर्ष दौडको पुरस्कार राशी पनि बढाइएको छ । दौडमा पहिलो हुनेलाई राजा घोषणा गर्दै श्रीपेचको साथमा ६० हजार १ सय रुपैयाँ पुरस्कार दिईने आयोजकले जनाएको छ । प्रतियोगितामा दोस्रो हुनेलाई नगद ३५ हजार १ सय, तेस्रो हुनेलाई २५ हजार एक सय, चौँथोलाई १२ हजार एकसय, पाँचौँ हुनेलाई ७ हजार एकसय, मेडल प्रमाण पत्र पुरस्कार दिईने आयोजक समितिका अध्यक्ष रानाले दिए ।
चेपे र मस्र्यादी नदिको दोभान चेपेघाट बाट सुरु हुने दौड ठाँटीपोखरी, बडडाँडा, सभाचौतारा, बिजुलेडाडाँ, खोल्डीगाउँ हुँदै नेपालको ऐतिहासिक स्थल लिगलिगकोटको कोटगढीमा पुगेर सकिने आयोजकले बताएको छ । १३ किलोमिटरको उक्त दौड पुरा गरेर जो पहिले पुग्छ उसलाई पहिलो पुरस्कारको साथमा राजा घोषणा हुँदै श्रीपेच पहि¥याइने रानाले बताए । प्रथम हुनेलाई राजा घोषणा गरी एक रात लिगलिगकोटमा राख्ने र गाडीमा राखेर बजार परिक्रमा गर्ने व्यवस्था मिलाएको छ ।
बडडाँडाबाट कोटगडी सम्मको ५ किलो मिटर महिला खुल्ला दौडमा प्रयोगिता पनि सञ्चालन हुने अध्यक्ष रानाको भनाई छ । उक्त प्रतियोगितामा पहिलो हुनेले २० हजार ५, दोश्रो हुनेले १२ हजार ५, तेश्रो हुनेले ७ हजार ५ रुपैयाँका साथमा मेडल र प्रमाणपत्र पाउने छन् । १३ किलोमिटर दुरीको उक्त दौडमा खुल्लासँगै लिगलिगबासीको छुट्टै प्रतिस्पर्धा हुनेछ । जसमा साबिकको सातसय लिगलिग भित्रका धावकहरुले मात्र प्रतिस्पर्धा गर्न पाउनेछन् । उक्त विद्यामा पहिलो हुनेले २० हजार ५, दोश्रो हुनेले १२ हजार ५, तेश्रो हुनेले ७ हजार ५ रुपयाँका साथमा मेडल र प्रमाणपत्र पाउने छन् ।
यसैगरी यस वर्ष देखि थप भएको १५ देखि १८ वर्ष सम्मका बालबालिकाहरुको लागि ३ किलोमिटरको दौड गरिने आयोजकले बताएको छ । उक्त प्रतियोगितामा पहिलो हुने ५ हजार १, दोश्रो हुनेले ३ हजार १, तेश्रो हुनेले २ हजार १ रुपयाँ मेडल र प्रमाणपत्र पुरस्कार पाउने आयोजकले बताएको छ ।उक्त दौड सम्पन्न गर्न २८ लाख ५५ हजार लागत अनुमान गरिउको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए