नरेन्द्र ढकाल/गोरखा
भाद्र १९ गते । अध्यक्षमा सहमती नभएपछि अधिवेशन स्थगित भएको होटल व्यवसायीसंघ गोरखाले झण्डै १ महिना बित्दा समेत नयाँ नेतृत्व पाउन सकेको छैन् । साउन २६ गते नाटकिय रुपमा भएको अधिवेशनमा निर्वतनमान अध्यक्ष भाईचन्द्र श्रेष्ठ, सचिव मानप्रसाद धिताल र व्यवसायी अञ्जनबाबु खत्रीले अध्यक्ष पद दाबी गरेपछि अधिवेशन स्थगित भएको थियो । निवर्तमान अध्यक्ष श्रेष्ठ, पुनः अध्यक्ष नहुने संकेत नदेखिएपछि एक्कासी कार्यक्रम स्थलबाट भागेको अन्य आकाक्षीहरुको आरोप छ । ‘यो गतिरोध अन्त्य हुनुपर्छ पर्छ भन्ने मेरो धारणा हो’ अध्यक्षका प्रत्यासी मान प्रसाद धितालले भने ‘व्यवसायीको छाता सस्थालाई यसरी अनिर्णयको बन्दी बनाउनुहुन्न ।’
उता श्रेष्ठले भने संस्थाको बिद्यान विपरित अराजक व्यक्तिहरुले नेतृत्व हत्याउने प्रयास गरेपछि आफू पछाडी हटेको दाबी गरेका छन् । ‘यो निराधार हल्ला हो, केही अराजक व्यक्तिले अनावश्यक अफवा फैलाएका हुन्’ उनले भने ‘म होटल सघंको नेतृत्व सुम्पन आतुर छु ।’ अधिवेशन स्थगित गरेर भम्रणमा निस्किएका उनी केही दिन अघिमात्र नेपाल फर्किका छन् । छिट्टै अधिवेशन गरी नयाँ नेतृत्व चयन गर्ने योजना उनको छ । ‘म बिधानत चल्ने मान्छे हुँ, अञ्जन खत्री ढोकाबाट छिर्नुको सट्टा झ्यालबाट प्रवेश गर्न खोज्नु भयो’ उनले भने ‘हैसियत नपुगेको मान्छेलाई म जत्तिको मान्छे नेतृत्व सुम्पन्ने कुरै आउँदैन ।’ होटल व्यवसायी संघको बिधानमा अध्यक्ष हुनका लागि एक पटक पदाधिकारी बन्ने पर्ने प्रावधान रहेको उनको दाबी छ ।
सुरुमा व्यवसायी भेला भनेर बोलाइएको कार्यक्रम, पछि साधरण सभा तथा अधिवेशनमा रुपान्तरण गरिएको थियो । अध्यक्ष बाहेकका सबै पदाधिकारी र सदस्यहरु सर्बसम्बत भएका बेला एकअर्कामा आरोप प्रत्यारोप गरी स्थगित भएको अधिवेशन अहिले सम्म हुन सकेको छैन् । निर्वतमान अध्यक्ष श्रेष्ठले धिताललाई अध्यक्ष पद छोड्ने संकेत गरेपनि, धितालले व्यवसायी खत्रीलाई समर्थन गरेपछि बिवाद उत्र्कषमा पुगेको हो ।
झण्डै एक महिना देखि अधिवेशन स्थगित हुँदा पनि निर्वाचन समितिले आवश्यक पहल नगरेको होटल व्यवसायीहरुले आरोप लगाएका छन् । पुरानो कार्यसमिति भंग गरेर अध्यक्ष बाहेक सबै पदमा सर्वसम्बत भएको अबस्थामा समितिले निर्वाचन गराएर भए पनि अध्यक्षको टुंगो लगाउनुपर्ने उनीहरुको माग छ । यता निर्वाचन समितिका संयोजक धिरज बहादुर मास्केले भने निर्वतमान अध्यक्ष श्रेष्ठ बिदेश भ्रमणबाट फर्केकाले छिट्टै छलफल गरेर गतिरोध अन्त्य गर्ने दाबी गरेका छन् । ‘उहाँहरु फर्किसक्नुभएको छ, सबै पक्षसँग छलफल गरी आवश्यक निर्णय लिन्छौ’ मास्केले भने ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए