कैलासबावु श्रेष्ठ/गोरखा
भाद्र १८ गते । गोरखा जिल्ला संग सिमाना जोडिएको तनहँुको आँबुखैरेनी बजारमा श्रीकृण्ण जन्म अष्टमीको दिनमा बृहत जात्रा आयोजना गरीएको छ ।
पराम्परा देखी चल्दै आएको जात्राको संस्कृती लोप हुने अवस्था आएको भन्दै आँबुखैरेनी साँस्कृत संरक्षण मञ्च र तनहुँ उद्योग बाणिज्य संघ आँबुखैरेनी बजार ईकाइको संयुक्त आयोजनामा श्रीकृण्ण जन्म अष्टमी जात्रा २०७५ आयोजना गरीएको हो ।
गोरखा र तनहँु जिल्लाको गरी कुल ३३ समूहको सहभागिता रहेको उत्त जात्रामा टाकटुके, हिले जात्रा, भजन, लाखेनाच तथा विभिन्न समुदायको संस्कृती झल्कने खालको झाँकीहरु प्रस्तुती गरीएको थियो ।
आँबुखैरेनी बजारको मुख्य चोक देखी गोरखा आउने मस्र्याङ्गदी पुल सम्म सहभागि समूहरुले आफ्नो प्रस्तुती देखाएको जात्रा संयोजक हरीभक्त श्रेष्ठले बताए । ०६३ साल देखी मञ्च एक्लैले जात्राको आयोजना गर्दै आएको भएता पनि यो बर्ष भने वृहत्तर रुपमा जात्रा आयोजना गर्ने लक्ष्यका साथ तनहुँ उद्योग बाणिज्य संघ आँबुखैरेनी बजार ईकाइ संग समन्वय गरी जात्रा आयोजना गरीएको थियो ।
संयोजक श्रेष्ठका अनुसार जात्राको लागि मात्रै १० लाख ५० हजार खर्च हुने अनुमान गरीएको छ । जात्रामा गोरखा र तनहुँको विभिन्न भागबाट जात्रा हेर्नेहरुको घुइचो नै लागेको थियो ।
आयोजनकका अनुसार जात्रामा दिनमा अतिरिक्त स्टेज कार्यक्रम राखिएको थियो भने रातमा स्थानिय लोक भाखाको दोहरी गित हुने छ ।
